49:605  605  SUR  L'EPITRE  AUX  CORINTHIENS.  606  chacun  puisse  se  retrancher  en  telle  sorte  que  nous  prenions  seulement  ce  qu'il  nous  faut  avec  action  de  graces,  et  que  les  biens  de  Dieu  ne  soyent  point  profanez  par  nostre  abus.  Apres,  si  Dieu  ne  nous  donne  point  ce  que  nous  appetons,  que  nous  scachions  aussi  estre  indigens:  c'est  a  dire  que  nous  portions  patiemment  le  defaut  que  nous  aurons.  Si  le  peuple  eust  dit,  Et  bien,  quand  ii  plaira  a  Dieu  de  nous  mener  en  la  terre,  nous  serons  bien  aise  de  manger  de  ce  qui  croistra  de  tous  fruitages:  mais  il  nous  faut  porter  patiemment  au  desert  ce  qu'il  nous  donne,  et  que  la  Manne  seule  nous  suffise.  Si  le  peuple,  di-ie,  eust  parle  ainsi,  il  n'eust  pas  offense  Dieu  :  mais  pource  qu'il  somme  Dieu  a  heure  presente,  et  le  despite,  et  que  la  Manne  luy  est  fascheuse,  et  qu'il  dit  que  c'est  une  viande  fade,  voyla  en  quoy  il  appete  chose  mauvaise.  Or  auiourd'huy  regardons  combien  il  y  a  d'especes  de  convoitise  au  monde.  Il  est  vray  que  si  nous  voulions  deduire  au  long  ce  propos,  il  y  auroit  non  pas  pour  un  sermon,  mais  pour  y  employer  tout  le  temps  de  nostre  vie.  Qu'un  chacun  de  nous  se  regarde,  combien  trouverons  nous  de  convoitises  qui  sont  tant  fretillantes  que  Dieu  ne  nous  peut  tenir  en  bride?  Nous  avons  sa  parole  par  laquelle  nous  devrions  estre  reglez.  Combien  de  fois  nous  adviendra-il  de  nous  destourner  de  la?  ie  ne  di  point  en  nostre  vie,  mais  par  chacun  iour.  En  combien  de  sortes  sommes  nous  solicitez  a  mal?  Il  est  vray  que  nous  ne  penserons  pas  tous  les  coups  que  la  chose  soit  mauvaise.  Et  ie  voudroye  ceci  et  cela,  diray-ie.  Voire,  mais  il  nous  faudroit  avoir  un  desir  conditionel,  c'est  a  scavoir,  quand  il  plaira  a  Dieu.  Mais  d'autant  qu'il  ne  veut  pas  que  ie  iouisse  d'une  telle  chose,  il  faut  que  ie  m'en  passe  :  et  non  point  par  force,  mais  de  mon  bon  gre  :  et  que  ie  cognoisse  que  Dieu  scait  mieux  pour  voir  a  ce  qui  m'est  utile,  que  ie  ne  le  compren.  Il  faut  donc  que  ie  me  gouverne  a  sa  volonte:  car  ie  suis  moins  envers  luy  qu'un  petit  enfant.  Et  mesmes  nous  sommes  comme  malades,  voire  comme  frenetiques.  Si  nous  accomparons  les  hommes  quant  a  Dieu,  a  des  enfans,  il  est  vray  qu'il  y  aura  desia  quelque  similitude,  mais  il  est  certain  que  les  petis  enfans  sont  encores  mieux  reglez.  Si  nous  les  accomparons  a  des  malades,  nous  approcherons  encores  plus  de  leur  naturel.  Mais  nous  ne  sommes  point  seulement  malades,  qui  voudrons  du  vin,  quand  il  nous  faudra  boire  de  l'eau;  qui  voudront  avoir  du  froid,  quand  ii  nous  faudra  du  chaud:  qui  serons  desgoustez  du  bien,  et  appeterons  ie  ne  scay  quelles  friandises  qui  seront  pour  nous  tuer  :  mais  nous  sommes  phrenetiques  du  tout.  Car  nos  appetis  et  nos  cupiditez  sont  une  espece  de  rage,  qui  ne  sera  sinon  pour  nous  precipiter  et  ruiner.  Puis  qu'ainsi  est  donc,  cognoissons  que  ceste  admonition  de  sainct  Paul  doit  estre  prattiquee  tous