48:605  605  DE  L'ASCENSION.  606  TROISIEME  SERMON.  ACTES  Ch.  1.  6.  Or  eux  estans  assembles  V  interrogarent  disans,  Seigneur,  restabliras-tu  en  ce  temps  le  Royaume  d'Israel?  7.  M  il  leur  dit,  Ge  n'est  pas  a  vous  a  cognoistre  les  temps  ne  les  saisons  que  le  Pere  a  mis  en  sa  propre  puissance.  8.  Mais  vous  recevrez  la  vertu  du  S.  Esprit  venant  sur  vous:  et  me  seres  tesmoins  en  Ierusalem,  et  en  toute  Iudee  et  Samarie,  et  iusqu'au  bout  de  la  terre.  Quand  nous  pourrions  considerer  l'infirmite  qui  est  aux  hommes,  quand  ils  sont  destituez  de  la  grace  de  Dieu,  nous  aurions  fait  grand  profit.  Sous  ce  mot  d'infirmite  ie  comprend  tous  les  vices  et  imperfections  qui  sont  es  hommes:  comme  ce  qu'ils  sont  debiles  et  aisez  a  estre  vaincus  de  toutes  tentations,  comme  la  rudesse  de  leur  esprit,  comme  d'estre  corrompus  et  pervers.  Quand  donc  nous  aurons  considere  ces  choses,  il  faut  prier  Dieu  d'y  avoir  esgard,  et  de  remedier  a  tant  de  povretez  ausquelles  nous  sommes  suiets.  Voyla  pourquoy  ie  di  que  nous  aurons  beaucoup  profite  quand  nous  aurons  considere  ces  choses.  Et  pourtant  nous  avons  a,  noter  ce  qui  est  recite  en  ce  passage  par  S.  Luc.  Car  il  monstre  combien  les  Apostres  ont  este  rudes,  apres  avoir  este  enseignez  par  l'espace  de  trois  ans,  et  avoir  ouy  de  la  bouche  de  Iesus  Christ  tout  ce  qui  appartenoit  a  leur  salut.  Nous  verrons  donc  yci  qu'ils  sont  encores  nouveaux  escholiers,  comme  s'ils  n'en  avoyent  iamais  entendu  un  seul  mot.  Pourquoy?  iusques  a  ce  que  Dieu  ait  corrige  ceste  ignorance,  les  hommes  seront  touiours  ainsi  inhabiles  a  bien,  ce  qui  nous  deveroit  grandement  humilier.  Cognoissons  donc  que  nous  aurons  beau  ouir  tout  ce  qu'on  nous  dira:  c'est  autant  que  si  on  le  disoit  a*  un  tronc  de  bois,  iusques  a  ce  que  Dieu  ait  oste  ceste  rudesse  qui  est  en  nostre  nature  corrompue:  autrement  nous  n'entendrons  point  ce  qu'il  nous  dit,  car  sa  parolle  excede  nostre  capacite.  Et  qu'ainsi  soit  qu'il  y  ait  eu  une  telle  ignorance  es  Apostres,  nous  le  pouvons  veoir  en  ces  mots  qu'ils  prononcent.  Car  la  question  qu'ils  font  a  Iesus  Christ  est  fole  et  de  nul  profit:  c'est  seulement  une  curiosite  superflue,  quand  ils  demandent  s'il  restablira  en  ce  temps  le  Royaume  a  Israel.  Apres,  quand  ils  disent  en  ce  temps,  ils  monstrent  par  cela  qu'ils  voudroyent  bien  triompher  du  premier  coup  sans  aucun  travail.  Au  lieu  qu'ils  estoyent  appelez  pour  travailler  en  l'Evangile,  et  pour  le  planter  par  tout  le  monde,  ils  voudroyent  bien  ne  pas  souffrir,  mais  estre  incontinent  remplis  de