35:605  605  DE  LA  PROPHETIE  DE  CHRIST.  606  pluye,  et  dit  que  Dieu  arrousera  ceux  qui  iamais  n'avoyent  rien  entendu  de  verite,  qui  avoyent  este  comme  povres  bestes  brutes.  Ceux  la,  dit-il,  seront  enseignez,  et  seront  faits  participans  du  salut  qui  a  este  acquis,  et  l'Eglise  de  Dieu  sera  espandue  par  tout  le  monde,  tellement  que  ceux  qui  auront  blaspheme  contre  la  pure  doctrine,  auront  la  bouche  close,  sinon  pour  confesser  avec  toute  reverance  et  sobriete  qu'il  n'y  a  que  le  Dieu  d'Israel  qui  doyve  estre  honore,  et  que  son  Fils  unique,  auquel  est  l'Image  expresse  de  sa  gloire,  et  de  sa  maieste,  doit  estre  receu  pour  luy  faire  hommage.  Les  Rois  mesmes,  combien  qu'ils  soyent  aveuglez  en  leur  orgueil,  seront  contraints  de  s'humilier,  et  faudra  qu'ils  se  rangent  en  toute  obeissance.  Voyla  des  propos  bien  magnifiques  que  le  Prophete  a  tenu.  Or  maintenant  il  prevoit  que  quand  l'Evangile  sera  presche  par  tout  le  monde,  les  uns  s'en  mocqueront,  les  autres  seront  a  l'encontre,  les  autres  n'y  prendront  nul  goust,  les  autres  demeureront  stupides,  les  autres  par  hypocrisie  mentiront  a  Dieu,  et  auront  quelque  apparence  d'obeissance  a  la  doctrine,  mais  ce  ne  sera  qu'un  faux  semblant.  Le  Prophete  donc  voyant  le  monde  ainsi  malin,  et  prevoyant  que  Dieu  ne  sera  point  escoute,  que  sa  Parolle  ne  sera  point  receue  en  telle  reverance  qu'elle  merite,  se  trouve  esmerveille,  et  s'escrie,  Qui  est-ce  qui  croira  a  nostre  doctrine?  Comme  s'il  disoit,  Helas,  ie  presche  yci  le  salut  du  monde,  et  tout  est  desespere  et  perdu  sinon  que  ce  remedeci  soit  donne:  c'est  ascavoir  que  Dieu  envoye  son  Fils  unique,  lequel  bataillant  contre  le  diable  et  la  mort,  nous  aequiore  par  ce  moyen  iustice  et  vie:  car  ceste  doctrine  doit  arrouser  tout  le  monde,  autrement  nous  sommes  steriles.  Il  n'y  a  que  toute  secheresse  et  povrefce  en  nous:  cependant  Dieu  n'attend  pas  que  nous  demandions  qu'il  nous  arrouse,  mais  il  vient  au  devant,  et  s'offre  liberalement,  et  nous  presente  la  son  Fils  unique  avec  sa  doctrine:  et  en  cela  il  se  monstre  tellement  amiable,  qu'il  doit  bien  estre  receu  sans  aucun  contredit:  mesmes  chacun  ne  deveroit-il  pas  estre  enflamme  d'un  tel  zele,  qu'il  meprisast  tout  le  reste  pour  embrasser  ce  Redempteur  qui  est  apparu?  Or  tant  s'en  faut  que  cela  se  face,  qu'a  grand  peine  y  en  a-il  la  dixieme  partie  de  ceux  qui  oyent,  qui  soyent  touchez  a  bon  escient.  Et  de  faict  l'experience  monstre  que  les  uns  se  mocquent,  comme  ce  sont  contempteurs  de  Dieu  qui  n'ont  ne  foy  ne  religion  non  plus  que  des  chiens,  et  tienent  comme  fable  tout  ce  qui  leur  est  presche  de  la  vie  eternelle.  Les  autres  ne  se  contentent  pas  d'avoir  la  Parolle  de  Dieu  en  tel  mespris,  s'ils  ne  passent  outre:  car  ils  sont  enflammez  en  une  rage  et  furie  a  l'encontre.  D'autre  part  il  y  en  a  les  uns  qui  blas-