25:605  605  SERMONS  SUR  LE  CINQUIEME  LIVRE  DE  MOYSE  DIT  DEUTERONOME.  SERMON  PREMIER  SUR  LE  CHAP.  1.  V.  1.3  DU  MBKCREDI  20e  DE  MARS  1555.  Quand  Dieu  feit  publier  sa  Loy  en  la  montagne  d'Horeb,  apres  avoir  retire  le  peuple  de  la  captivite  d'Egypte,  il  monstroit  par  cela  a  quelle  fin  et  intention  il  avoit  eu  pitie  de  son  peuple  pour  le  delivrer:  c'est  a  ce  qu'il  en  fust  glorifie:  comme  aussi  il  nous  faut  rapporter  toutes  les  graces  que  Dieu  nous  eslargit,  a  ce  but-la.  Zacharie  pere  de  sainct  Iean  Baptiste,  parlant  de  la  grande  et  souveraine  delivrance  qui  a  este  faite  en  la  personne  de  nostre  Seigneur  Iesus  Christ,  dit,  que  Dieu  nous  a  retirez  de  la  main  et  tyrannie  de  nos  ennemis:  afin  que  nous  le  servions  tout  le  temps  de  nostre  vie  en  sainctete  et  iustice.  Et  c'est  une  doctrine  assez  commune  en  toute  l'Escriture  saincte.  Et  voila  pourquoy  aussi  il  est  dit  par  le  Prophete  Isaie,  que  Dieu  a  cree  un  peuple  lequel  racontera  sa  louange.  Puis  qu'ainsi  est  donc,  que  la  Loy  fut  donnee  au  peuple,  afin  de  luy  faire  sentir  pourquoy  il  avoit  este  delivre  de  la  servitude  d'Egypte,  c'estoit  bien  raison  qu'il  se  dediast  du  tout  a  l'obeissance  de  Dieu,  qui  s'estoit  ainsi  monstre  Redempteur.  Mais  le  peuple  se  fasche,  et  ne  se  peut  rendre  docile  pour  escouter  ce  qu'on  luy  propose  au  Nom  de  son  Dieu.  Neantmoins  si  est-ce  qu'il  le  devoit  bien  faire,  apres  avoir  senti  un  tel  bien,  et  si  inestimable:  car  Dieu  avoit  desployo  son  bras  robuste,  quand  le  peuple  fut  delivre.  Il  devoit  donc  cognoistre,  Voici  nostre  Dieu  qui  s'est  magnifie  d'une  facon  admirable  envers  nous,  nous  avons  eu  comme  une  presence  visible  de  sa  maieste:  si  les  cieux  se  fussent  ouverts,  et  que  Dieu  se  fust  monstre  a  l'oeil  en  personne,  nous  n'eussions  pas  eu  tesmoignage  plus  ample  ne  plus  indubitable  qu'il  nous  estoit  prochain,  qu'il  estoit  nostre  conducteur.  Or  puis  que  Dieu  est  ainsi  descendu  a  nous,  qu'il  luy  a  pleu  de  nous  communiquer  ainsi  sa  bonte:  n'est-ce  pas  raison  que  nous