9:604  luy  faisoit  Corneille  le  Centenier,  pource  qu'elle  venoit  de  devotion  (Act.  10,  26),  laquelle  devoit  estre  reservee  a  Dieu,  il  monstre  asses  que  le  service  exterieur  est  autant  requis  entre  nous  qu'il  estoit  entre  les  Iuifs.  Et  de  fait,  si  s'agenouiller  n'emportoit  rien,  les  (page  3  5]  fideles  eussent  use  de  bastelerie,  et  se  fussent  moques  de  Dieu,  usant  d'une  telle  ceremonie  en  le  priant:  comme  sainct  Paul  le  testifie  de  soy  (Eph.  3,  14):  et  que  sainct  Luc  le  recite  de  luy  et  de  tous  les  Pasteurs  d'Ephese  (Act.  20,  36).  Mesme  nostre  Seigneur  Iesus  nous  auroit  abuse  en  nous  donnant  tel  exemple  (Luc.  22,  41).  Mais  cest  estourdi  s'enveloppe  tousiours  en  son  erreur,  de  comprendre  en  confus  toutes  ceremonies  sous  celles  qui  ont  este  donnees  seulement  pour  les  Iuifs.  Or  si  on  recevoit  une  telle  resverie  il  seroit  aussi  bien  licite  auiourd'huy  de  sacrifier  des  veaux  et  moutons  qu'il  fut  iamais.  Qui  pis  est,  il  seroit  libre  de  faire  tels  sacrifices  devant  toutes  statues  et  idoles.  Pour  conclure  sus  l'article  de  la  circoncision  de  Timothee,  ie  di:  Combien  que  plusieurs  s'abusassent  pour  leur  rudesse  en  l'observation  des  ceremonies,  que  sainct  Paul  a  peu  circoncir  le  fils  d'un  luis,  a  fin  de  luy  donner  acces  a  sa  nation.  Ie  di  quand  et  quand  que  sainct  Paul  ne  condamne  point  les  Galates  en  l'acte  exterieur,  lequel  il  s'est  permis,  mais  en  la  fausse  doctrine  qu'ils  tenoyent  que  la  Circoncision  estoit  requise  et  necessaire  a  salut.  Ie  di  tiercement  qu'il  ne  se  fust  point  donne  une  telle  licence  sous  ombre  de  charite,  si  la  Circoncision  n'eust  este  de  soy  moyenne,  n'emportant  ne  bien  ne  mal.  Mais  ie  luy  demande  pourquoy  il  dissimule  ce  qui  est  escrit  ailleurs,  que  sainct  Paul  a  refuse  de  circoncir  Tite  (G-al.  2,  3),  a  cause  des  faux  freres  qui  s'estoyent  introduits  pour  espier  la  liberte  des  fideles,  et  les  remettre  en  servitude?  Nous  povons  recueillir  de  la  qu'il  estoit  en  la  liberte  de  sainct  Paul  de  circoncir  ou  non,  selon  la  circonstance  du  temps  et  du  lieu.  Et  ainsi  est  renverse  en  un  seul  mot  tout  ce  que  ce  trompeur  a  babille.  [page  36]  Et  ce  qu'il  adiouste  ne  fait  que  descouvrir  son  impiete.  Car  s'il  n'estoit  point  plonge  en  la  puante  secte  des  Libertins,  il  n'attribueroit  point  a  esprit  de  prudence  de  se  tourner  et  contrefaire.  Mais  il  allegue,  puis  que  Dieu  ne  peut  estre  servi  par  la  main  des  hommes:  aussi  ne  peut-il  estre  offense.  A  quoy  ie  respon,  Quand  sainct  Paul  parle  ainsi,  c'est  pour  redarguer  la  folie  des  Payens,  qui  l'adoroyent  sous  figure  et  image  visible:  selon  que  les  mots  y  sont  expres:  C'est  que  Dieu  createur  du  monde,  puis  qu'il  domine  au  ciel  et  en  la  terre,  n'habite  point  en  temples  faits  de  main,  et  n'est  point  servi  de  mains  d'hommes,  comme  s'il  avoit  besoin  de  rien,  veu  qu'il  donne  vie  a  tous:  et  puis  que  nous  sommes  sa  race,  qu'il  ne  faut  estimer