8:604  omnes  fuisse  in  Deo  ante  mundi  creationem  eo  ordine  quo  nunc  sunt,  et  primum  omnium  Christum:  ad  verbum  fideliter  retulimus,  ut  ne  ipse  quidem  additam  suisse  syllabam  negarel)  audeat.  Tantum  causatur,  me  alia  verba  quae  sequuntur  non  suisse  simul  complexum.  Quasi  vero  perfidiae  sit  crimen,  ut  iactat,  quidquam  ex  eius  sermone  omittere.  Christum,  fateor,  solum  vocat  figuram  substantiae  Dei  :  hoc  nihilominus  interim  teneo,  res  omnes  cum  ipso  semper  apud  Deum  fuisse:  ut  eadem  luto  tribuatur  aeternitas  quae  in  Christum  competit.  Alterum  etiam,  velit  nolit,  extorqueo,  personam  nihil  aliud  fore  quam  meram  imaginationem  :  quia  personaliter  vel  pro  ideae  ratione  non  minus  hodierna  nebula,  quam  Christus,  in  Deo  fuit.  De  secundo  membro  quid  dicam,  quod  Deus  filium  sibi  corporalem  decernens  visibilem  se  in  verbo  exhibuerit?  Si  in  nudo  decreto  sita  fuit  verbi  essentia,  quia  Deus  hominem  creare  statuerat,  non  alia  erit  Christi  deitas  quam  aeterna  creationis  futurae  conceptio.  Exsecranda  est  blasphemia  quam  continet  vigesima  octava  propositio  :  Spiritu  novo  non  ante  praeditum  fuisse  Christum  quam  a  mortuis  resurgeret.  Eam  ludicra  solutione  [pag.  201]  abolet  Servetus  quod  novus  spiritus  dicatur  ob  novam  gloriam.  Interea  sua  convicia  crepat,  me  delirum  esse  et  mendacem.  Adde  quod  nihil  eum  pudet  ex  7.  Iohannis  testimonium  illud  adducere  :  Nondum  fuisse  tunc  spiritum  sanctum,  quia  nondum  glorificatus  erat  Iesus.  Quid?  an  illic  evangelista  Christum  novo  spiritu  donandum  esse  praedicat,  ac  non  potius  hoc  nominatim  refert  ad  fideles?  Christum  de  spiritu  sancto  loquutum  esse  testatur,  non  quem  exspectaret  ipse  a  patre,  imo  quem  accepturi  erant  in  eum  credentes.  Quanquam  hoc  longe  absurdius,  quod  Christus  adhuc  mortalis  totam  Dei  gloriam  ac  potentiam  non  obtinuerit.  Quomodo  enim  transfusa  erat  in  ipsum  verbi  et  spiritus  gloria?  Quomodo  in  deitatem  conversa  erat  caro,  si  gloriam  qua  ad  tempus  caruit,  quasi  precario  resurgens  demum  adeptus  est?  Nec  vero  de  manifestatione  hic  agitur:  quum,  teste  Serveto,  spirata  fuerit  in  Christum  ex  integro  deitas.  Porro  quo  sensu  novum  spiritum  appellet,  operae  pretium  est  ex  eius  verbis  intelligere,  Dialogo  2  pag.  273:  Spiritum  Christi  qui  Deus  erat  in  resurrectione  fuisse  innovatum,  quia  ex  divino  et  humano  spiritu2)  ante  erat  unus  spiritus:  nunc  autem  ob  novam  incorruptibilis  halitus  creaturam,  quam  in  se  substantialiter  continet,  novum  dici.  Expendant  primum  lectores,  quale  portentum  Servetus  parturiat,  quum  spiritum  1)  Sic!  Gallus:  tellement  qu'il  ne  s'oseroit  plaindre  etc.  2)  nature.