7:604  viam  excogitant.  Dicunt  enim,  neque  nimis  laxandam  confessionem,  neque  rursus  nimis  stringendam.  Videtur  certe  aliquid  profectum,  quum  ex  illa  anxial)  enumeratione  aliquid  remittitur.  Nugae  scilicet:  nam  si  statuimus  non  absolvi  coram  Deo,  nisi  qui  sacerdoti  sua  peccata  confessi  fuerint,  cui  inde  apiculum  detrahere  fas  erit?  Nonne  semper  periclitabimur,  ne,  si  quid  a  nobis  praetermissum  est,  in  iudicium  Deus  revocet?  Haec  demum  pax  ost  conscientiae,  sine  qua  nulla  est  salus,  quum  indubia  est  absolutionis  fides.  Si  confiteri  prius  quempiam  necesse  est,  quam  absolvatur,  quousque  urgeat  haec  necessitas,  non  est  in  hominis  arbitrio  definire.  Ita  nihil  praeter  assiduam  inquietudinem  lentumque  tormentum  et  perplexas  ambages  relinquitur,  quae  animam  nihilominus  conficient,  quam  si  aperte  iugularetur.  Contenti  sunt  mediatores,  si  recenseantur  peccata,  quae  diligenter  cogitanti,  et  sese  excutienti  in  mentem  veniunt.  Quid  hoc  est  aliud,  quam  venenum  gutta  mellis  illinere,  ut  primo  gustu  minus  sentiatur?  Nam  si  quid  iustae  diligentiae  vel  minimum  defuerit,  hic  haerebit  peccator:4)  imo  labefactabitur  [pag.  95]  tota  promissio:  et  tandem  abyssus  abyssum  trahet.  Si  haec  est  salutis  scientia,  tranquillo  animo  in  peccatorum  veniam  recumbere:  quisquis  hunc  laqueum  sponte  induet,  sciens  ac  volens  salutem  suam  proiicit.  Quod  autem  huic  impiae  tyrannidi  praetexitur  Christi  autoritas,  non  minore  fit  impudentia  quam  malitia.  Antehac  Sorbonicis  theologastris3)  propter  crassam  inscitiam  poterat  ignosci,  quum  scripturam  perperam  corrumperent.  Nunc  in  tanta  luce  non  eadem  valere  debet  excusatio.  Obtendunt  mediatores,  ligandi  et  solvendi  potestatem  apostolis  esse  datam.  Addunt  postea,  exerceri  non  posse,  nisi  intelligat  qui  ea  fungitur,  retinerene  an  solvere  debeat.  Inde  enumerationem  conficiunt.  Quid  tam  puerile  obiectum,  toties  a  nobis  refutatum,  nunc  de  integro  excutiam?  Quum  instruuntur  ligandi  et  solvendi  potestate  apostoli,  hoc  elogio  vim  et  fructum  evangelii  commendari  certum  est.  Magnopere  enim  refert,  ut  ratam  esse  coram  Deo  absolutionem  sciamus,  quae  nobis  nunciatur  ore  hominis.  Meminerimus,  homines  esse  mortales,  qui  nos  ab  aeternae  mortis  reatu  exemptos  esse  testantur.  Tantae  rei  testimonio4)  ne  angeli  quidem  pares  forent.  Quid  ergo  nobis  fieret,  nisi  suam  autoritatem  interponeret  ipse  filius  Dei,  ad  sanciendam  mandati  sui  fidem?  Ipsa  porro  mandati  exsequutio  omnem  hae  de  re  dubitationem  tollit.  Neque  enim  audiendis  confessionibus,  sed  praedicando  evangelio,  ligandi  solvendique  munus  exercuerunt  apostoli.  Quin  1)  entier.  2)  le  pecheur  sera  la  tenu  court  et  ne  saura  ou  il  en  sera.  3)  badaux  de  Sorbonne.  4)  pour  porter  un  tel  message.