49:604  bouche  close,  et  que  nous  trouvions  bon  ce  qu'il  prononce  sans  aucune  replicque.  Et  voyla  pourquoy  S.  Paul  appelle  choses  mauvaises  les  viandes  qu'ont  demande  les  enfans  d'Israel.  Or  il  est  escrit  en  l'onzieme  chapitre  des  Nombres,  qu'ils  ont  desire  d'avoir  ou  de  la  chair,  ou  du  poisson,  ou  des  aux,  des  oignons,  des  melons,  et  autres  fruitages  :  Quand  ils  ont  demande  cela,  sont-ce  choses  mauvaises  ?  Ne  sera-il  point  licite  aux  hommes  de  manger  et  de  la  chair,  et  du  poisson,  et  de  ce  que  leur  sera  donne?  Et  quand  nous  avons  appetit  de  manger  d'une  viande,  offensons  nous  Dieu  en  cela?  Que  seroit-ce?  nous  serions  en  scrupule  continuel:  car  il  faudroit  que  chacun  morceau  que  nous  avallons  nous  fust  mis  en  conte,  comme  si  c'estoit  un  glaive  pour  navrer  Dieu,  et  pour  contrister  son  sainct  Esprit.  Et  ou  seroit-ce  aller?  Mais  sainct  Paul  dit  que  c'ont  este  choses  mauvaises,  pour  ce  que  Dieu  vouloit  nourrir  d'une  autre  facon  le  peuple  d'Israel.  Il  luy  donnoit  la  Manne.  Voyla  le  peuple  au  desert,  en  une  terre  sterile,  ou  il  n'y  peut  croistre  un  grain  de  ble,  toutesfois  Dieu  supplee  a  ce  defaut-la:  il  luy  envoye  la  Manne  du  ciel,  le  peuple  devoit  bien  recevoir  une  telle  grace,  et  oublier  toutes  autres  viandes,  car  la  Manne  luy  estoit  assez  savoureuse:  elle  estoit  en  telle  abondance,  que  tous  en  estoyent  refectionnez,  nul  n'avoit  ne  faim  ne  soif.  La  dessus  ils  veulent  changer,  et  demandent  que  Dieu  leur  envoye  des  viandes  qui  leur  avoyent  este  accoustumees.  Or  voyla  une  convoitise  mauvaise.  Et  pourquoy?  Car  ils  voyent  l'ordre  de  Dieu,  et  ils  le  veulent  changer  comme  en  le  despitant.  Ceci  donc  doit  bien  estre  note,  quand  sainct  Paul  dit  qu'il  y  a  eu  une  convoitise  des  choses  mauvaises,  quand  les  enfans  d'Israel  n'ont  point  prins  en  patience  la  nourriture  qui  leur  estoit  donnee,  mais  ont  voulu  assubietir  Dieu  a  leur  poste.  Et  de  cela  nous  le  pouvons  applicquer  a  toute  nostre  vie:  car  il  nous  faut  revenir  a  ceste  regle  de  sainct  Paul,  que  nous  scachions  avoir  abondance  et  avoir  pourete:  c'est  a  dire  que  nous  ayons  tousiours  une  telle  attrempance  en  nous  que  si  Dieu  nous  donne  plus  qu'il  ne  nous  faut,  nous  ne  facions  des  chevaux  eschappez:  comme  on  en  verra  a  qui  il  semble  que  tout  soit  perdu,  sinon  qu'ils  engouffrent  tant  qu'il  leur  sera  possible,  quand  ils  auront  de  quoy.  Ils  ne  regarderont  point,  que  me  faut-il  pour  ma  refection?  Mais  ceci  sera  perdu  pour  moy,  si  ie  ne  boy  encores  ce  verre,  et  un  autre.  Cela  me  sera  conte  autant  que  si  i'avoye  beu  beaucoup:  et  la  dessus  ils  se  chargent  d'intemperance,  tellement  qu'ils  sont  abrutis  quant  au  corps,  et  quant  a  l'ame  ils  perdent  aussi  tout  sens  et  memoire.  Or  il  nous  faut  scavoir  abonder,  dit  sainct  Paul,  tellement  que  quand  Dieu  nous  donne  plus  qu'il  ne  nous  faut,  un