9:603  603  RESPONSE  604  de  sacrifier  les  boeufs  et  les  moutons.  Ainsi,  que  ee  venerable  ne  mette  plus  en  avant  ses  resveries  sous  mon  nom.  Mais  ie  di,  que  la  Circoncision  estoit  libre  pource  que  l'usage  n'en  estoit  point  defendu  entre  ceux  qui  n'estoyent  pas  encore  si  avancez  en  l'Evangile,  que  de  comprendre  l'abolition  des  ceremonies.  Si  nous  regardons  la  Circoncision  en  soy,  apres  la  venue  de  Iesus  Christ,  ce  n'est  rien,  ne  bien,  ne  mal.  Et  pourtant  sainct  Paul  dit  en  un  autre  passage:  Es-tu  circonci?  n'appete  point  de  recouvrer  ton  prepuce  (1.  Cor.  7,  18).  Mais  sainct  Paul  reiettant  la  Circoncision  comme  execrable,  maudit  ceux  qui  vouloyent  ramener  les  fideles  a  icelle.  Ie  le  confesse,  d'autant  qu'ils  taschoyent  a  destruire  la  foy,  qui  se  doit  arrester  a  Iesus  Christ,  et  y  avoir  son  repos.  Mais  de  dire  que  ie  ressemble  a  telles  gens,  quelle  raison  y  a-il  ?  Ie  di  que  les  Chrestiens  sont  obligez  a  se  garder  entiers  et  impolitis  au  service  spirituel  de  Dieu.  Ce  brouillon  osera-il  dire  que  de  plier  le  genouil  devant  Dieu,  ce  soit  une  chose  maudite  et  execrable?  Or  s'il  confesse  comme  il  en  sera  contraint,  que  pour  le  moins  il  est  licite  de  monstrer  par  signe  exterieur  que  nous  portons  reverence  a  Dieu  :  de  la  il  s'ensuit  que  ce  que  ie  requier  n'est  point  pareil  a.  la  Circoncision.  Bref,  on  voit  une  rage  diabolique  en  ce  mal-heureux,  d'autant  que  Dieu  l'a  enyvre  de  forcenerie  [page  34]  pour  punir  sa  malice  et  rebellion.  Il  continue  encore  plus,  qu'il  n'y  a  a  present  non  plus  de  liberte  de  circoncir  que  de  garder  les  traditions  humaines.  Quand  ie  luy  auray  accorde  ce  poinct,  que  s'ensuit-il?  Il  conclud  que  l'observation  de  toutes  ceremonies  ne  peut  non  plus  souiller  un  Chrestien  que  le  faict  de  sainct  Paul:  Voire,  comme  si  la  diversite  des  temps  n'emportoit  rien.  Nous  avons  veu  ci  dessus  par  les  mots  de  sainct  Paul  que  la  Circoncision  manuelle  n'est  plus  en  usaoe  a,  ceux  qui  cognoissent  la  vertu  du  Baptesme  (Col.  2,  l  l  )  .  Il  a  falu  donc  du  commancement,  pour  supporter  les  infirmes,  laisser  en  liberte  les  choses,  qui  de  leur  nature  n'estoyent  nullement  contraires  a  la  vraye  religion.  Il  s'en  faut  beaucoup  que  nous  soyons  encore  de  present  en  ce  train,  depuis  que  par  la  predication  de  l'Evangile  l'abolition  de  ce  signe  a  este  toute  notoire.  Il  s'advise  d'une  autre  subtilite:  c'est  puis  que  l'Evangile  a  mis  bas  les  ceremonies  externes  de  la  Loy,  et  que  Iesus  Christ  n'a  nulle  part  defendu  de  plier  les  genoux  ou  d'oster  le  bonet,  que  ces  choses  sont  libres:  veu  que  sans  Loy  il  n'y  a  point  de  peche  (Rom.  4,  15).  Mais  ie  respon  que  nostre  Seigneur  Iesus  s'armant  contre  la  tentation  du  diable,  a  ratifie  ce  qui  avoit  este  commande  d'adorer  un  seul  Dieu  (Matth.  4,  10).  Car  le  mot  dont  il  use  vaut  autant  que  s'encliner  ou  s'agenouiller.  Et  quand  sainct  Pierre  condamne  la  reverence  que