49:603  603  SERMONS  604  soyons  point  convoiteux  de  choses  mauvaises,  comme  Us  ont  este.  Voyci  la  premiere  admonition  que  sainct  Paul  nous  a  voulu  donner.  Il  est  vray  qu'il  a  regarde  l'estat  de  l'Eglise  de  Corinthe,  parlant  ainsi,  cependant  T  Epistre  est  escrite  pour  nous.  Voyla  donc  une  admonition  qui  nous  est  donnee,  que  puis  que  Dieu  a  puni  ainsi  asprement  les  meschantes  convoitises  du  peuple  ancien,  auiourd'hui  il  nous  faut  captiver  nos  appetis,  et  ne  leur  donner  point  une  licence  telle,  qu'un  chacun  desire  et  souhaite  ce  qui  luy  viendra  au  cerveau  sans  regarder  ce  qui  est  licite:  car  Dieu  ne  nous  a  point  laisse  la  bride  sur  le  col:  mais  il  veut  que  nous  ayons  une  regle.  Et  de  faict,  quelle  honte  sera-ce  que  les  bestes  ayent  plus  de  temperance  que  nous  n'avons  point?  Il  est  vray  que  cela  est  de  nature:  car  si  nous  regardons  les  bestes  brutes,  elles  seront  beaucoup  plus  reglees  en  tous  leurs  appetis  que  ne  sera  point  l'homme.  Une  beste  dormira  selon  que  nature  le  demande:  elle  boira,  elle  mangera  aussi  selon  son  naturel.  Un  homme  que  fera-il?  Il  ne  regardera  pas  a  sa  nourriture  le  plus  souvent  en  beuvant  et  en  mangeant.  Ie  parle  de  ceux  qui  ne  sont  point  retenus  de  la  crainte  de  Dieu,  qui  ne  sont  point  gouvernez  par  son  sainct  Esprit.  Que  sera-ce  donc  d'un  homme  sensuel  qui  veut  complaire  a  sa  nature?  Rien  ne  luy  suffira:  car  nous  sommes  gouffres  insatiables  :  au  lieu  de  prendre  refection,  il  semble  que  beaucoup  s'y  veulent  crever  a  leur  escient.  En  quelle  mesure  est-ce  que  beaucoup  de  gens  boyvent  et  mangent?  Et  nous  faillons  encores  en  toutes  sortes  en  cest  endroit:  car  il  faudra  trouver  de  nouvelles  friandises  pour  aiguiser  l'appetit,  quand  on  sera  tant  soul  qu'on  creve.  Brief,  si  on  regarde  bien  que  c'est  des  hommes,  on  trouvera  que  ce  sont  monstres  comme  en  despit  de  nature.  Voyla  une  corruption  si  brutale  qui  domine  en  nous,  que  nous  surmontons  en  cela  les  bestes  brutes,  elles  nous  doyvent  monstrer  nostre  lecon,  et  faudroit  aussi  aller  a  leur  escole.  Or  maintenant  si  Dieu  nous  laissoit  ainsi,  que  seroit-ce?  L'homme  veut  estre  repute  une  creature  raisonnable,  ayant  maistrises  sur  les  bestes  brutes:  et  cependant  tant  s'en  faut  qu'il  soit  digne  d'une  telle  dignite,  qu'il  faut  qu'il  soit  renvoye  a  l'escole  des  bestes,  d'autant  qu'il  a  tout  perverti.  Quand  donc  tout  est  ainsi  desborde  en  nous,  et  que  c'est  un  abysme  que  de  toutes  nos  pensees  et  affections,  il  est  besoin  que  nostre  Seigneur  nous  regle  et  reforme:  car  s'il  ne  prend  la  conduite  de  nous,  et  que  sera-ce,  comme  i'ay  desia  dit?  Concluons  donc  qu'en  tous  nos  appetis  il  nous  faut  regarder  ce  qui  nous  est  licite:  c'est  a  dire  ce  que  Dieu  nous  permet  :  car  il  ne  faut  point  disputer  ici.  Il  nous  faut  contenter  de  ce  que  Dieu  ordonne:  et  si  tost  qu'il  a  dit  le  mot,  que  nous  ayons  chacun  la