48:603  603  SERMONS  604  nous  purger  de  toutes  nos  pollutions.  Mais  c'est  aussi  pour  nous  signifier  que,  quand  nous  venons  en  ce  monde,  nous  Rapportons  que  toute  pollution,  et  que  tant  plus  nous  vivons,  tant  plus  nous  ainassons  de  pollutions  et  ordures:  comme  en  parle  Ieremie,  disant  que  l'homme  ne  se  cognoist  pas  luy-mesme:  car  il  y  a  un  tel  gouffre  de  toute  malice  en  nous,  qu'il  n'y  a  que  Dieu  seul  qui  nous  cognoisse.  On  ietteroit  bien  un  anchre  au  sons  de  la  mer,  mais  il  n'y  a  que  Dieu  qui  puisse  sonder  nostre  coeur.  Ainsi  nous  sommes  infets  devant  Dieu,  et  puans  comme  ladres,  voire  tant  infets  que  c'est  horreur.  Mais  quoy?  Voyci  une  consolation,  quand  nous  voyons  que  Iesus  Christ  nous  veut  purger  par  son  sainct  Esprit,  comme  de  faict  nous  en  avons  tesmoignage  au  Baptesme,  qu'il  nous  veut  faire  nouvelles  creatures,  purgeant  les  infirmitez  qui  sont  en  nous.  Mais  tout  ainsi  que  ce  qui  est  purge  par  le  feu  toutes  superfluitez  en  sont  ostees,  cognoissons  aussi  que,  quand  Dieu  nous  veut  reconcilier  a  soy,  il  faut  que  ce  qui  est  du  nostre  soit  oste.  D'avantage  notons  que  pourtant  que  demeurons  en  nous-mesmes  nous  perirons,  et  neantmoins  tousiours  nous  voulons  demeurer  en  nostre  entier,  il  faut  que  Dieu  nous  diminue  pour  nous  sauver,  et  faire  que  nous  luy  soyons  agreables.  Et  cela  se  fait  par  son  S.  Esprit.  Nous  voyons  donc  en  quoy  c'est  qu'il  nous  faut  glorifier,  ascavoir  en  Dieu.  Vray  est  que  l'homme  aura  bien  quelque  cuider  pour  se  magnifier  devant  les  hommes:  mais  quand  ce  viendra  devant  Dieu,  ce  que  nous  estimons  bon  sera  reiette.  Apprenons  donc  qu'il  n'y  a  que  tout  mal  en  nous,  et  le  bien  qui  y  sera,  c'est  d'autant  qu'il  nous  aura  purgez  par  son  sainct  Esprit.  Au  reste,  quand  il  adiouste  que  ce  sera  bien  tost)  c'est  pour  leur  donner  plus  grand  courage:  non  pas  que  nous  devions  murmurer  ou  nous  descourager,  si  Dieu  differe  a.  monstrer  son  secours:  car  ce  n'est  pas  a  nous  de  luy  donner  terme.  Et  de  faict,  le  terme  qu'il  prend  est  tousiours  bien  brief.  Pourquoy?  car  iamais  il  ne  nous  laisse  une  minute  de  temps  qu'il  ne  nous  aide.  Exemple:  quand  nous  sommes  en  affliction  nous  invoquons  Dieu  :  vray  est  que  nous  ne  serons  pas  delivrez  incontinent  tout  en  un  coup,  mais  le  plus  souvent  le  mal  croistra:  tant  y  a  toutesfois  que  Dieu  nous  assiste,  car  il  nous  console.  Ce  que  nous  apperceverons  assez  quand  nous  voudrons  le  considerer:  car  qui  est  l'homme  qui  pourroit  subsister  au  moindre  mal  qui  soit,  sinon  que  Dieu  luy  assistast?  Voyla  donc  une  approbation  de  son  assistance,  quand  nous  ne  defaillons  pas:  comme  S.  Paul  dit  que,  si  nous  eommes  affligez  et  que  nous  ne  tombions  point  en