35:603  603  S  E  R  M  O  N  S  604  nostre  gloire  en  ce  qu'il  a  este  expose  en  telle  ignominie,  et  nostre  ioye  en  ce  qu'il  a  eu  tant  d'angoisses,  qu'il  en  a  sue  sang  et  eau.  Voyla  en  somme  ce  que  nous  avons  a  retenir  de  ce  passage.  Or  notamment  le  Prophete  dit  qu'il  arrousera.  Il  est  vray  que  par  similitude  ce  mot  yci  signifie  aussi  bien  Paire  parler:  mais  quand  tout  sera  bien  regarde  on  trouvera  que  le  sens  naturel  du  Prophete  est  que  Iesus  Christ  arrousera  toutes  nations:  c'est  a  dire  combien  qu'il  soit  un  tronc  de  bois  sec  et  sterile,  si  est-ce  que  tout  le  monde  sera  arrouse  de  sa  vertu.  Brief  il  monstre  que  Dieu  besongnera  d'une  facon  incomprehensible,  et  qu'il  ne  faloit  pas  que  les  Iuifs  s'attendissent  a  quelques  moyens  humains,  mais  qu'ils  esperassent  que  Dieu  surmonteroit  tout  ce  que  les  hommes  peuvent  penser.  Car  quand  on  nous  parle  de  miracles,  il  faut  que  nos  sens  defaillent:  et  quand  on  nous  parle  de  mysteres,  c'est  a  dire  secrets,  il  faut  que  nous  cognoissions  que  nous  ne  sommes  pas  iuges  competans  ni  arbitres,  pour  dire,  II  faut  qu'ainsi  soit:  mais  que  nous  avons  a  adorer  ce  qui  ne  peut  entrer  en  nostre  teste,  dont  la  raison  nous  est  incognue.  Voyla  donc  en  somme  ce  que  nous  avons  encores  a  retenir.  Or  maintenant  ceste  admonition  nous  appartient:  que,  comme  i'ay  desia  dit,  nous  souffrions  d'estre  arrousez  de  nostre  Seigneur  Iesus  Christ:  et  combien  qu'il  soit  apparu  comme  sterile,  et  qu'on  ne  trouvast  en  luy  rien  digne  de  reputation,  toutes  fois  quand  il  se  presentera  ,a  nous,  et  qu'il  en  voudra  approcher,  que  nous  ne  le  repoussions  point  par  nostre  incredulite:  mais  que  nous  luy  donnions  plustost  acces  par  foy.  Voyla  en  somme  ce  que  nous  avons  a  retenir  de  ceste  doctrine  du  Prophete.  Et  au  reste,  il  adiouste  comme  tout  le  monde  sera  arrouse  de  nostre  Seigneur  Iesus  Christ,  c'est  ascavoir  par  la  predication  de  l'Evangile:  Car  ceux  (dit-il)  ausquels  il  n'avoit  point  este  raconte,  Vorront,  et  ceux  qui  n'avoyent  entendu,  entendront  Yci  le  Prophete  amplifie  son  propos,  monstrant  que  nostre  Seigneur  Iesus  seroit  envoye  de  Dieu  son  Pere,  non  pas  seulement  pour  les  Iuifs  (combien  qu'il  leur  ait  este  promis  par  expres)  mais  qu'il  sera  Sauveur  de  tout  le  monde.  Or  que  le  sens  du  Prophete  soit  tel,  sainct  Paul  le  declare  au  quinzieme  chapitre  des  Romains  applicquant  ces  mots  a  ce  qu'il  estoit  envoye  par  les  pays  estranges,  et  qu'il  avoit  couru  ca  et  la  remplissant  toutes  regions  de  l'Evangile,  la  ou  iamais  on  n'avoit  parle  de  Dieu:  et  que  non  seulement  il  preschoit  entre  les  Iuifs,  mais  aussi  entre  les  Payens.  Nous  voyons  donc  a  quoy  le  Prophete  a  tendu:  et  ce  passage  nous  doit  estre  comme  une  clef  pour  nous  donner  ouverture  au  Royaume  de  Dieu.  Car  si  Iesus  Christ  n'avoit  este  promis  qu'a  la  lignee  d'Abraham,  de  quoy