9:602  mesme  en  fust  decheu.  Mais  il  ne  faut  point  ici  disputer  comme  d'une  chose  douteuse  ou  obscure:  veu  que  sainct  Paul  ne  parle  point  de  l'usage  exterieur  des  ceremonies,  comme  les  mots  y  sont  expres:  mais  de  la  fausse  opinion  et  perverse  qu'avoyent  les  Galatiens,  de  vouloir  aquerir  salut  par  choses  de  nulle  importance.  Iusqu'ici  donc  on  void  de  quel  esprit  il  est  mene,  en  desgorgeant  toutes  les  iniures  dont  il  se  peut  adviser  contre  moy:  et  sur  tout  que  ie  ne  comba  que  pour  ma  gloire,  en  voulant  maintenir  le  service  de  Dieu  en  son  entier.  Mais  il  luy  semble  que  ie  n'auray  nulle  replique  contre  l'argument  qu'il  adiouste  :  c'est  que  sainct  Paul  a  souffert  que  Timothee  fust  circonci  (Act.  16,  3),  qui  estoit  directement  contraire  au  Concile  tenu  au  paravant  par  les  Apostres,  auquel  sainct  Paul  mesme  avoit  assiste,  et  avoit  commande  par  toutes  les  villes  de  garder  ce  qu'on  y  avoit  resolu.  Il  cuyde  tellement  avoir  cause  gagnee,  qu'il  veut  faire  a  [page  32]  croire  que  ie  desireroye  avoir  efface  ce  passage  de  la  Bible,  par  lequel  ie  suis,  selon  son  dire,  du  tout  convaincu.  Il  me  demande,  si  ie  pense  que  pour  lors  la  Circoncision  fust  libre.  Il  respond  comme  pour  moy,  Que  non:  mais  ie  tien  que  si.  Autrement  sainct  Paul  auroit  trop  lourdement  offense  en  attentant  une  chose  illicite.  Car  toutes  oeuvres  sont  de  soy  ou  bonnes  ou  mauvaises,  ou  indifferentes.  Or  si  la  Circoncision  n'estoit  pas  en  liberte,  elle  estoit  donc  defendue  de  Dieu.  On  voit  donc  le  contraire  de  ce  qu'il  afferme.  Ce  qu'il  allegue  des  Galatiens,  a  savoir,  que  les  fideles  se  doivent  tenir  a  la  liberte  en  laquelle  Christ  les  a  affranchis  (Gal.  5,  1),  est  sauter  du  coq  a  l'asne.  Car  comme  i'ay  souvent  proteste,  il  n'est  pas  ici  question  des  figures  de  la  Loy,  mais  du  service  que  Dieu  requiert:  et  pourtant  est  necessaire.  Mais  il  replique  que  la  Circoncision  ne  pouvoit  estre  libre:  veu  que  sainct  Paul  dit:  Si  vous  est  circoncis,  Christ  ne  vous  profitera  rien.  Item:  Ie  denonce  a  tout  homme  qui  est  circonci,  qu'il  est  oblige  a  garder  toute  la  Loy  (Gal.  5,  2  et  3).  Ceste  sottise  a  desia  este  rebatue:  c'est  que  sainct  Paul  ne  parle  point  de  l'acte  exterieur,  mais  de  la  fausse  confiance  qu'avoyent  les  Galatiens  de  se  iustifier  par  les  ceremonies  de  la  Loy.  Car  par  ce  moyen  ils  renoncoyent  a  la  grace  qui  nous  a  este  apportee  de  Iesus  Christ.  Quand  donc  il  s'escrie  si  haut:  Que  dirons-nous?  La  Circoncision  estoit  elle  libre  pour  ce  qu'elle  estoit  instituee  de  Dieu,  et  non  pas  des  hommes?  Il  est  comme  un  aveugle  qui  a  perdu  son  baston,  ainsi  qu'on  dit.  Cependant  il  songe,  en  disant  que  i'ay  songe  [page  33]  ce  qui  est  creu  en  son  cerveau.  Car  ie  ne  di  pas  simplement,  que  la  Circoncision  fust  licite,  pource  que  Dieu  l'avoit  commandee.  Ce  seroit  parler  trop  cruement:  et  par  mesme  raison  il  seroit  encore  auiourd'huy  libre