7:602  excutiamus  cor  humanum,  reperiemus  non  modo  ad  diffidentiam  propensum  esse,  sed  toto  naturae  instinctu  illuc  ferri.  Quare  iterum  hic  nobis  subveniat  Dei  spiritus,  necesse  est  :  sitque  nobib  et  arrabo  et  sigillum.  Hic  est,  qui  nobis  os  aperit,  ut  audeamus  absque  metu  Deum  patrem  invocare  (Rom.  8,  15;  Gal.  4,  6),  qui  sanguine  Christi  animas  nostras  irrigat  (1  Petr.  1,  2),  qui  ratam  nobis  facit  eius  gratiam,  qui  Dei  caritate  corda  nostra  perfundit  (Rom.  5,  5),  ut  intrepide  gloriemur,  nos  esse  eius  filios,  qui  denique  nos  ducit  in  omnem  veritatem  (Ioann.  16,  13):  idque  ut  sciamus,  quae  nobis  a  Deo  donata  sunt  (1  Cor.  2,  12).  Quod  ultimo  ioco  posui  sumptum  est  ex  Luca,  qui  Pauli  doctrinae  credidisse  narrat,  quotquot  ad  vitam  erant  praeordinati  (Act.  13,  48).  Et  sane,  quum  omnes  promiscue  externa  praedicatione  invitet  Deus,  hoc  solo  electos  suos  discernit  a  reprobis,  quod  hos  caecutire  in  luce  sinens,  illos  novis  oculis  donat  quibus  cernant,  et  corda  in  obedientiam  verbi  sui  inclinat.  Proinde  efficaci  vocatione  arcanam  suam  electionem  patefacit.  Vocat  nos,  inquit  Paulus,  quemadmodum  in  filio  suo  elegit  ante  creatum  mundum  (Ephes.  1,  4).  Item:  Illius  opus  sumus,  creati  in  Christo  ad  bona  opera,  quae  praeparavit,  ut  in  illis  ambulemus  (Ephes.  2,  10).  Hoc  ideo  notandum  est,  quia,  ut  plus  aequo  superbi  sunt  homines,  ad  se  rapiunt  quod  erat  uni  Deo  adscribendum.  Cui  praeposterae  arrogantiae  gratuitam  suam  adoptionem  opponit  Deus,  quae  ipsa  sibi  causa  est  ad  nos  vocandos,  adeoque  sola  nos  discernit.  *)  Nunquam  certe  praevenitur  [pag.  92]  a  nobis  Deus,  sed  quaerit  oves  errantes  ac  perditas.  Porro  efficacia  vocationis,  cuius  memini,  sic  accipi  debet,  quod  non  tantum  nobis  offertur  Dei  gratia,  sed  ad  eam  amplexandam  voluntas  quoque  nostra  formatur.  Nam  inter  electos  et  reprobos  id  interest,  quod  quum  utrosque  alloquatur  Deus  voce  hominis,  illos  peculiariter  spiritu  suo  intus  docet.  Commune,  inquam,  utrisque  est  hominis  ministerium:  sed  interior  spiritus  gratia  specialis  est  electis.2)  Quo  pertinet  Christi  sententia  :  Quicunque  a  patre  audivit  ac  didicit,  venit  ad  me  (Ioann.  6,  45).  Nisi  haec  extra  controversiam  posita  fuerint:  licet  avium  more  subinde  garriamus,  nos  fide  iustificari,  iustificationem  ipsam  nunquam  tenebimus.  Nihilo  autem  melius  est,  furtim  &ubduci  ab  unico  salutis  fundamento,  quam  palam  excuti.  Verum  sunt  etiam  alia,  in  quibus  larvati  mediatores  hanc  doctrinae  partem  malitiose  subvertunt,  quam  velle  se  tueri  verbo  profitentur.  Peccatorum  confes-  1)  Add.  d'avec  les  reprouvez.  2)  la  grace  qui  touche  au  vif  est  speciale  aux  enfans  de  Dieu.