5:602  que  par  si  long  temps,  et  avec  si  grosse  ruine  de  l'Eglise  on  a  dissimule  en  cest  endroit  une  transgression  manifeste  du  commandement  de  Dieu  et  des  canons  bien  approuvez,  qui  accordoyent  avec:  assavoir  entant  qu'on  a  tolere  gens  au  ministere,  qui  se  contaminoyent  en  paillardise,  et  en  toute  impudicite,  avec  lesquelz  il  n'estoit  pas  licite  aux  chrestiens  de  communiquer,  non  seulement  aux  Sacremens:  mais  aussi  en  conversation  exterieure.  Car  avec  telz,  comme  dict  l'Apostre,  les  sainctz  ne  doivent  boire  ne  manger.  Et  a  ce  qu'on  delivre  incontinent  les  ministres  ecclesiastiques  de  ceste  deffence  de  mariage,  nous  doit  aussi  inciter,  que  nous  apercevons,  long  temps  a,  que  si  ceste  defence  n'est  bien  tost  ostee,  on  ne  trouvera  homme,  voire  tel  quel,  qui  se  vueille  mettre  en  cest  estat:  tant  s'en  fault  qu'il  j  en  aie  de  bien  instruictz.  Car  tous  ceux  qui  ont  quelque  conscience  ne  se  veulent  mettre  au  dangier  de  vivre  sans  femme:  encores  que  tout  le  reste  fust  si  bien  purge  et  restitue  au  ministere,  qu'il  ne  leur  demeurast  plus  de  scrupule.  Or  comme  on  doit  laisser  le  sainct  mariage  libre  aux  ministres  ecclesiastiques,  a  ce  qu'iiz  puissent  purement  et  en  chastete  faire  leur  office:  aussi  d'autrepart  il  convient  les  retirer  de  toutes  aultres  occupations,  delices  et  voluptez  qui  ne  s'accordent  point  avec  leur  estat,  et  a  ceste  cause  leur  sont  prohibees  par  les  sainctes  escriptures,  loix  imperiales  et  decretz  des  conciles  anciens.  Comme  sont,  faire  marchandise,  tenir  taverne,  estre  factour,  ou  usurier,  faire  mestier  de  [fol.  ll0]  gourmander  et  yvrogner,  s'addonner  a  ieuz  deshonnestes,  qui  ne  conviennent  pas  a  leur  ministere,  item  a  la  chasse  et  toutes  aultres  qui  les  pourroyent  destourner  de  leur  vocation  legitime)  de  l'estude  des  sainctes  letres,  d'enseigner  leur  peuple,  admonester,  et  monstrer  bon  exemple,  ou  bien  les  empescher  seulement,  ou  les  faire  plus  nonchalans.  Mais  affin  que  les  ministres,  estans  delivrez  de  toutes  aultres  occupations,  se  puissent  du  tout  employer  au  service  de  l'Eglise,  il  sera  aussi  mestier  de  Ies  provoir  en  leurs  necessitez  liberalement:  et  toutefoys  avec  telle  moderation,  que  toute  occasion,  tant  d'intemperance  et  de  nonchalance,  que  de  gain  deshoneste  et  villain  leur  soit  retrenchee.  Il  fauldra  pareillement,  que  les  superieurs  tant  seculiers  que  ecclesiastiques,  veillent  diligemment  sus  la  simonie:  veu  que  c'est  crime  publicq:  et  facent  que  ceste  sentence  du  Seigneur  Dieu  soit  ramenee  en  l'Eglise:  Vous  l'avez  eu  gratuitement,  donnez  le  doncq  gratuitement.  Pourtant  il  fauldra  remettre  en  usage  la  rigueur  des  peines,  que  ont  ordonne  les  loix  et  les  Canons,  contre  ce  vice:  et  ne  devera  estre  permis  a  personne,  de  presenter,  promettre,  donner  ou  prendre  quelque  argent,  ou  aultre  re-