48:602  Esprit.  D'avantage  que  le  S.  Esprit  nous  est  donne  par  Iesus  Christ.  Voyci  qu'il  nous  faut  bien  noter  que,  si  nous  voulons  que  le  Baptesme  nous  profite,  il  ne  nous  faut  pas  arrester  a  l'eau,  comme  si  nostre  salut  estoit  la  enclos:  mais  cognoissons  qu'il  faut  que  le  S.  Esprit  face  le  tout.  Au  reste,  comme  nous  voyons,  ceste  doctrine  a  este  mal  receue  au  monde:  car  il  semble  aux  Papistes  que  la  grace  de  Dieu  est  la  attachee,  et  ils  en  font  un  charme  comme  sorciers,  et  attribuent  a  l'eau  la  vertu  du  Sacrement.  Et  voyla  pourquoy  ils  condamnent  l'enfant  qui  n'a  point  este  baptize.  Et  pour  prevenir  ce  danger,  ils  ne  se  sont  pas  contentez  d'attribuer  la  puissance  de  baptizer  a  tous  hommes  de  quelque  condition  qu'ils  fussent,  mais  aussi  aux  femmes,  de  peur,  disent-ils,  que  les  enfans  ne  meurent  sans  estre  baptizez.  Ainsi  ils  pensent  que  la  verite  du  Baptesme  est  en  Peau,  et  par  ce  moyen  voyla  le  sang  de  Iesus  Christ  repousse.  Quant  a  nous,  apprenons  que  la  verite  du  Baptesme  n'est  en  l'eau,  mais  au  S.  Esprit.  Toutesfois  le  signe  n'est  pas  inutile:  car  il  nous  est  tesmoignage  que  nostre  ame  est  lavee.  Mais  pour  avoir  la  verite  il  faut  venir  au  S.  Esprit,  comme  nous  avons  monstre.  Il  y  a  d'avantage  que  le  S.  Esprit  est  donne  par  Iesus  Christ,  afin  que  nous  ne  Pallions  point  chercher  en  l'eau,  ni  aux  hommes,  mais  que  nous  regardions  en  haut.  Et  c'est  encores  un  point  ou  le  monde  a  este  abuse.  Car  qui  est-ce  qui  regarde  a  Iesus  Christ,  quand  il  est  question  d'avoir  quelque  chose  pour  nostre  salut?  Nul:  car  il  nous  semble  que  les  hommes  ont  ceste  maistrise,  comme  si  Iesus  Christ  leur  avoit  resigne  son  office,  et  qu'il  ne  fist  plus  rien  au  ciel.  Voyla  comment  les  hommes  sont  eslourdis.  Or  cependant  l'Escriture  nous  leve  le  menton  (par  maniere  de  dire),  pour  nous  eslever  en  haut:  car  la  nous  oyons  Iesus  Christ  nous  advertissant,  Regardez  que  c'est  moy  qui  vous  baptize.  Vray  est  qu'il  est  dit  que  Dieu  envoye  le  S.  Esprit,  mais  aussi  Iesus  Christ  l'envoye  :  car  quand  le  Pere  l'envoye  c'est  au  nom  de  Iesus  Christ  et  a  sa  requeste:  d'avantage  Iesus  Christ  parlant  de  soymesme  declare  qu'il  l'envoyera.  Et  de  faict  il  est  un  mesme  Dieu  avec  le  Pere.  Et  puis,  entant  qu'estant  fait  homme  il  est  nostre  Mediateur,  toute  puissance  luy  a  este  donnee  au  ciel  et  en  la  terre,  tellement  qu'il  est  comme  le  bras  et  la  main  pour  nous  distribuer  les  graces  de  Dieu.  Notons  aussi  pourquoy  c'est  que  Iehan  parle  du  Baptesme  d'Esprit  et  de  feu,  et  use  de  ces  deux  mots:  car  c'est  une  mesme  chose.  Quand  il  dit  De  feu,  c'est  pourtant  qu'il  nous  recuit  pour  oster  nos  ordures:  comme  quand  on  fond  de  l'or  ou  de  l'argent,  c'est  pour  le  purger:  mesmes  nous  voyons  qu'on  purge  par  le  feu  les  lieux  pleins  d'ordures.  Le  S.  Esprit  n'a  donc  pas  ce  titre  en  vain:  veu  que  c'est  a  luy  de