35:602  (comme  i'ay  desia  touche)  ils  veulent  entrer  en  cause,  ils  veulent  s'araisonner,  tellement  que  Dieu  soit  la  laisse,  et  que  tout  ce  qu'il  a  fait  soit  comme  reiette.  Mais  quand  il  est  dit  que  toute  bouche  se  taise  pour  faire  silence  devant  Dieu,  c'est  pour  monstrer  que  nous  devons  avoir  tous  nos  sens  dontez  et  captifs,  voire  mesmes  tenir  nos  langues  bridees  pour  confesser  paisiblement  que  Dieu  merite  d'estre  glorifie  en  la  personne  de  son  Fils  unique.  Et  si  cela  est  dit  des  Rois,  que  sera-ce  du  commun  populaire?  Il  nous  faut  bien  donc  retenir  l'ordre  que  met  yci  le  Prophete:  car  il  advertit  qu'il  faloit  que  nostre  Seigneur  Iesus  fust  comme  desfigure,  et  que  le  monde  le  reiettast.  Puis  que  nous  sommes  avisez  de  cela  par  le  sainct  Esprit,  que  nous  ne  le  trouvions  point  estrange,  et  que  nous  ne  laissions  pas  de  l'embrasser  avec  une  vraye  foy  :  et  combien  que  de  prime  face  sa  croix  (qui  est  un  gibet  detestable  selon  les  hommes)  nous  peust  destourner,  et  que  ce  fust  pour  nous  aliener  du  tout  de  luy,  neantmoins  que  nous  ne  laissions  pas  de  chercher  la  toute  nostre  gloire,  c'est  ascavoir  en  Iesus  Christ  crucifie.  Et  au  reste  que  nous  ne  soyons  point  arrestez  a  ce  qu'il  a  souffert,  pour  concevoir  seulement  en  luy  ceste  ignominie  a  laquelle  il  s'est  volontairement  assuieti  pour  nous:  mais  que  nous  conioingnions  la  resurrection  avec  la  mort,  et  cognoissions  qu'estant  crucifie  il  est  neantmoins  assis  comme  Lieutenant  de  Dieu  son  Pere,  pour  exercer  l'Empire  souverain,  et  pour  avoir  toute  vertu  tant  au  ciel  qu'en  la  terre.  Et  voyla  pourquoy  il  est  dit  qu'il  sera  exalte.  Il  est  vray  que  ce  qu'il  a  este  esleve  au  gibbet,  c'estoit  un  opprobre  selon  les  hommes:  mais  si  est-ce  qu'il  se  mocque  du  diable,  et  qu'il  despite  tout  le  monde,  en  disant  qu'il  sera  exalte  vrayement,  et  que  quand  il  aura  estc  expose  a  telle  ignominie,  que  chacun  luy  aura  tire  la  langue,  et  desgorgo  contre  luy  ses  blasphemes  et  vilenies,  toutesfois  si  est-il  assis  en  son  siege,  comme  nous  ayons  desia  allegue  du  passage  de  sainct  Paul.  Et  en  l'autre  lieu  notamment  il  dit,  que  la  croix,  combien  qu'auparavant  ce  fust  un  gibbet  plein  de  vergongne,  a  este  comme  un  chariot  triomphant:  et  que  Iesus  Christ  non  seulement  a  vaincu  la  le  diable,  mais  qu'il  a  monstre  que  nous  pouvons  maintenant  nous  glorifier,  entant  que  nous  sommes  maintenant  absous  de  toute  condamnation:  que  le  peche  n'ha  plus  nulle  puissance  sur  nous  et  que  tous  les  diables  d'enfer  sont  deboutez  de  tout  ce  qu'ils  pourroyent  pretendre  a  l'encontre  de  nous.  Voyla  donc  en  somme  comme  nous  devons  monter  par  foy  a  la  gloire  de  nostre  Seigneur  Iesus  Christ,  afin  que  nous  n'ayons  point  honte  de  chercher  nostre  salut  en  sa  croix,  nostre  benediction  en  sa  malediction,  nostre  vie  en  sa  mort,  et  puis