20:602  Exstat  eiusdem  Cardinalis  epistola  ad  Senatum  Genevensem  quam  illi  alteri  comitem  addidit.  Eam  primus  Herminjardus  edidit  a  quo  illam  mutuamur.  Authentico  deperdito  exemplar  a  secretario  P.  Ruffi  descriptum  in  Archivis  asservatum  Spectabilibus  viris  tanquam  fratribus  carissimis,  magistratui  consilio  et  civibus  Gebenn.  Spectabiles  domini  tanquam  fratres.  'Recordatus  illorum  sanctissimorum  patrum  qui  in  primitiva  Dei  ecclesia  floruerunt,  suaque  studia  omnia  posuerunt  ut  gloriam  summi  Dei  et  salutem  christianorum  populorum  procurarent,  scripsi  ad  Spectabilitates  vestras  epistolam  testem  vel  religionis  meae  erga  Deum  vel  optimae  certe  erga  vos  voluntatis.  In  qua  id  ago  et  meditor  ut  omnes  in  unum  et  eundem  quem  ecclesia  catholica  tenet  sensum  rursus  conveniamus.  Hacque  de  causa  misi  ad  vos  dilectum  mihi  et  probatum  civem  meum  Carpentoratensem  Ioannem  Durandum,  et  bonitate  et  literis  insignem,  qui  libellum  meum  ad  vos  deferret,  eique  mandavi  ut,  nisi  vobis  volentibus  et  grato  animo  accipientibus,  illum  non  redderet  {non  enim  ego  vobis  rem  molestam  facere  intendo)  sed  si  mea  epistola,  quae  vobis  certe  et  nomini  vestrae  civitatis  aliquam  laudem  et  celebritatem  allatura  est,  vobis  non  placuerit,  eam  ad  me  referat.  Si  vero  eam  libenter  acceperitis,  animum  quoque  is  erga  vos  meum  plenum  amoris  et  christianae  caritatis  suis  verbis  prosequatur.  Ego  vos  valde  rogo  ut,  etiam  si  meum  factum  minus  probabitis,  cor  meum  tamen  et  studium,  quo  in  omnem  benivolentiam  vestri  propensus  sum,  in  bonam  partem  accipere  velitis.  Valeant  Spectabilitates  vestrae  quos  Deus  dirigat  et  conservet.  Carpentoracti  xviija  die  mensis  marci  a.  M.  Ve  XXXIX.  Vester  tanquam  frater  Ia.  Sadoletus  Cardinalis  Carpentoratensis.  165.  Not.  3.  Herm.  parum  esse  gratum  me  iis.  .  Not.  4.  De  Arenario  et  Ioanna  v.  coniecturam  Herminjardi  V.  278.  Sistit  aliquem  Bertrandum  Gravier  ministrum  in  Lullin.  Si  Viro  doctissimo  fides  habenda  quoad  hunc  Arenarium,  tum  ille  qui  saepissime  sub  nomine  Arenaei  occurrit  in  nostro  T.  IV.  Epp.  alius  fuisse  videtur,  nam  hic  a  Bertrando  distinguitur  N.  1242.  1272.  Caeterum  apud  nos  aliquis  Graverius  occurrit  N.  1704.  (praeter  Hugonem  martyrem)  quem  neque  ut  ministrum  neque  ut  Calvini  familiarem  agnoscere  possumus.  Lin.  8  a  fine  lege:  ita  in  ministerio  .  Not.  6.  Neque  ipse  Herm.  legere  potuit  et  de  Elaeiario  haeret