9:601  601  A  UN  HOLANDOIS.  602  gardant  quelque  fois  les  ceremonies  pour  supporter  leur  infirmite.  Mais  a  qui  est-ce  qu'il  escrit  cela?  C'est  aux  Corinthiens  (1.  Cor.  9,  20),  qui  estoyent  Gentils.  Il  ne  se  vante  pas  donc  envers  eux  de  s'estre  dedit  de  ce  qu'il  leur  avoit  enseigne,  ou  d'avoir  fait  semblant  de  contrarier  a  soy-mesme.  Et  de  faict,  il  se  fust  bien  condamne  de  sa  propre  bouche:  veu  qu'il  proteste  que  sa  parolle  n'a  point  este  envers  eux,  Ouy  et  Non  (2.  Cor.  1,  18),  et  mesme  que  ce  qu'il  pense  ce  [page  30]  n'est  pas  pour  user  de  legerete:  mais  que  son  Ouy  est  ouy,  et  son  Non  est  non.  Par  quoy  que  ce  badin  aille  iouer  sa  farce  ailleurs:  composant  ici  un  rolle  a  sainct  Paul  pour  luy  faire  iouer  un  personnage,  lequel  ne  luy  pourroit  convenir.  Il  s'efforce  bien  de  reprouver  la  solution  que  i'ay  n'agueres  donnee:  a  savoir,  qu'il  y  a  grande  difference  entre  les  ceremonies  que  Dieu  a  instituees,  et  celles  qui  ont  este  forgees  des  hommes.  Il  dit  qu'un  petit  enfant  pourroit  bien  respondre  a  cela:  qu'il  n'y  a  nulle  distance  entre  ce  que  les  hommes  ont  invente,  et  ce  que  Dieu  a  reprouve  avec  dedain.  Ie  le  confesse,  si  quelqu'un  usoit  de  ce  que  Dieu  auroit  simplement  defendu.  Or  il  n'estoit  pas  ainsi  des  ceremonies  de  la  Loy  entre  les  rudes  et  debiles,  ausquels  l'usage  en  estoit  encore  permis,  iusques  a  ce  qu'ils  fussent  plus  avancez  en  l'Evangile  pour  cognoistre  la  liberte  qui  nous  a  este  aquise  par  Iesus  Christ.  C'estoit  donc  une  chose  moyenne  2),  c'est  a  dire,  ne  bonne,  ne  mauvaise,  d'observer  quelque  fois  une  ceremonie  pour  entretenir  concorde  et  union  entre  les  Iuifs  et  les  Payens,  iusqu'a  ce  que  l'abolition  fust  bien  cognue.  Cependant  il  est  bien  certain  que  sainct  Paul  n'eust  iamais  assiste  aux  sacrifices  qui  estoyent  directement  contraires  a  l'Evangile.  Mais  cest  habile  homme  insiste  plus  avant;  et  cuyde  bien  monstrer  sa  subtilite,  en  disant  que  d'observer  les  iours,  combien  qu'ils  eussent  este  ordonnez  de  Dieu,  c'estoit  un  plus  grand  crime  que  de  garder  toutes  traditions  humaines.  Il  le  prouve  par  S.  Paul,  lequel  dit  a  ce  propos  aux  Galatiens:  Qu'il  [page  31]  craind  d'avoir  travaille  en  eux  en  vain  (Gal.  4,  ll).  Item,  que  s'ils  se  veulent  iustifier  par  la  Loy,  ils  sont  decheus  de  la  grace  (Gal.  5,  4).  Il  faut  bien  qu'il  soit  transporte  d'une  terrible  phrenesie,  de  batailler  ainsi  contre  soy-mesme.  Les  mots  qu'il  allegue  portent  expressement,  qu'il  n'est  point  question  d'user  de  quelque  facon  exterieure,  mais  d'estre  abuse  d'une  fausse  superstition  et  maudite:  c'est  de  pouvoir  aquerir  grace  et  salut  en  gardant  quelque  iour  de  feste.  Il  est  donc  bien  loin  de  son  propos.  Et  de  faict,  si  observer  un  iour  pour  gratifier  et  complaire  a  ses  prochains  estoit  dechoir  de  la  grace  de  Dieu,  sainct  Paul  luy-  1)  1611:  indifferente.