8:601  601  MICHAELIS  SERVETI.  602  commento,  rore  coelesti  transformatam  in  Deum  esse  humanam  materiam,  novus  tamen  color  a  Serveto  inducitur,  transformari  quod  alia  gloria  illustratur  quam  prius.  Quasi  vero  formae  1)  mutatio  [pag.  196]  materiae  transformatio  dici  queat.  Caeterum  irascitur  Servetus,  quia  Christi  gloriam  voco  qualitatem,  quum  lux  fuerit  substantialis.  Quasi  vero  magicum  eius  delirium  pro  confesso  valere  inter  nos  debeat,  quod  ex  aeterna  Dei  substantia  formata  sit  Christi  caro,  ac  non  potior  sit  piis  omnibus  scripturae  autoritas,  quae  Christi  carnem  testatur,  quum  prius  mortalis  esset  et  terrenae  vitae  miseriis  obnoxia,  beata  immortalitate  donatam  esse.  Respondeat  mihi  Servetus,  nihilne  Christi  carni  contulerit  resurrectio  ?  Quidquid  autem  respondeat  ipse,  norunt  fideles,  ex  quo  in  coelestem  gloriam  recepta  est,  longe  diversis  quam  prius  dotibus  fuisse  ornatam.  Quum  dixisset,  ex  spiritu  Dei  et  humana  anima  constitisse  in  Christo  unam  substantialem  animam,  et  carnem  eius  ex  Dei  substantia  esse,  quae  exsistentiam  aeternam  habet,  excusandi  vel  potius  tergiversandi  causa  Pauli  dictum  obiicit  :  Qui  adhaeret  Domino,  unum  spiritum  cum  eo  effici.  Quasi  vero  talem  mixtionem2)  hominum  cum  Deo  imaginatus  sit  Paulus,  qua  homo  ipse  Deus  fieri  incipiat,  ut  dici  possit  aeterna  eius  essentia.  Caeterum  ut  me  temerarium  censorem  probet,  ad  causam  longe  diversam  transit.  Damnatam  enim  a  me  fuisse  astrologiam  conqueritur.  Veritus  est  scilicet  ne  lectores  nescirent  omnibus  Satanae  fascinis  ipsum  fuisse  dementatum,  nisi  astrologiae  iudiciariae  patronum  se  profiteretur.  Astrologiam,  ut  par  erat,  suis  ornavi  laudibus:  magicam  vero  illam  superstitionem,  quae  rerum  omnium  eventus  ex  astrorum  positu,  divinans  fato  alligat  hominum  vitam,  et  Deo  mundi  gubernationem  eripit,  an  ego  probare  potui?3)  [pag.  197]  Iam  me  Simonem  magum  appellet  Servetus,  quem  fictitius  ille  Clemens  hoc  praesertim  nomine  infamat,  quia  astrorum  dominio  hominum  vitam  subiiceret.  Sed  eius  vecordiam  modis  omnibus  ita  Dominus  mirabili  consilio  traduxit,4)  ut  insignes  reprobi  hominis  notas  ferens,  neminem  nisi  volentem  deciperet.  Atqui  hic  ventosus  Gorgias  rerum  omnium  scientiam  sibi  vendicans,5)  nos  ad  grammaticam  relegat,  quia  non  fingimus  in  Dei  substantiam  converti  quidquid  Deo  vel  per  gratiam  vel  alio  modo  unitur.  1)  de  gloire.  2)  confitere.  3)  Add.  C'a  este  doncques  un  labeur  louable  a  moy  de  condamner  une  telle  diablene.  Mesmes  il  n'y  a  nul  Docteur  chrestien  qui  n'ait  faict  le  semblable.  4)  Add.  comme  dessus  un  eschafaut.  5)  avec  sa  bravete  d'Espagne  il  s'attribue  etc.