[SEARCH HOME] | [CONTENTS] | [기독교강요 라틴어-영어 문장별 대조본] | [원문칼빈전집안드로이드앱]

IOANNIS CALVINI OPERA QUAE SUPERSUNT OMNIA
volume column dictionary *for dictionary, click or touch the word
[Pre] [Next] [Original Text Jpg]


7:601  601  REFORMANDAE  RATIO.  602  ciam,  vel  unus  locus  abunde  testatur  quinto  ad  Romanos  capite  (v.  11)  ubi  docet  Paulus  tranquillas  nobis  esse  conscientias,  ut  audeamus  de  spe  vitae  aeternae  gloriari.  Et  prius  dixerat,  nos  ex  fide  esse  haeredes,  ne  vacillemus  trepidi  et  dubii  (Rom.  4,  16).  Unde  constat  requiri  firmam  certitudinem.  In  eundem  modum  ad  Ephesios  (3,  12)  scribit,  nos  per  Christum  habere  audaciam  et  aditum  ad  patrem  cum  fiducia,  quae  est  per  fidem  eius.  Nec  Ioannes  opinari  nos  dicit,  sed  scire,  quod  filii  Dei  simus:  tametsi  nondum  appareat  (1  Ioann.  3,  2).  Hoc  ergo  qui  non  tenet,  fidei  naturam  prorsus  ignorat.  Hoc  autem  posito,  liquet  fidem  cum  serio  affectu  semper  coniunctam  esse.  Alioqui,  non  iuberet  nos  Paulus  (Col.  2,  7)  radices  agere  in  Christo  [pag.  90]  et  superstrui  fide,  nec  ipsa  haberet  nomen  obedientiae  (Rom.  1,  5):  multo  minus  victoria  nostra  adversus  mundum  diceretur  (1  Ioann.  5,  4).  Et  sane  quum  Paulus  scribit,  corde  ad  iustitiam  credi  (Rom.  10,  10),  non  eam  in  cerebro  locat:  sed  penitus  defixam  esse  significat  in  hominis  anima.  Elogia  illa,  quae  prius  commemoravi,  nunc  omitto:  quod  sit  vita  animae,  quod  per  eam  Christus  in  nobis  habitet,  quod  nobis  adipiscendae  salutis  sit  causa,  ac  similia  :  quae  tamen  simplici  notitiae  nequaquam  convenirent.  Atque  hoc  est  quod  alibi  intelligit  Paulus,  quum  dicit,  nos  faciem  Dei  in  evangelii  speculo  intuentes  in  ipsam  transformari  ex  gloria  in  gloriam  (2  Cor.  3,  18).  Viva  enim  et  efficax  sit  oportet  cognitio,  quae  ita  nos  in  imaginem  Dei  transformet.  Iam  fidem  divinae  illuminationis  opus  esse  tot  testimoniis  scriptura  confirmat,  quoties  caecitatis  damnat  humanam  mentem.  Sed  quoniam  nimis  longum  esset  locos  omnes  colligere,  paucos  tantum  annotabo  qui  se  primi  offerent.  Aliud  nihil  agit  Paulus  primo  et  secundo  capite  epistolae  ad  Corinthios  prioris,  nisi  ut  hebetem  esse  et  nihili  1)  omnem  humani  ingenii  perspicaciam  in  Dei  mysteriis  ostendat.  Qui  ergo  ad  ea  penetrant,  non  ex  voluntate  hominis  aut  carnis,  sed  ex  Deo  nati  sunt  (Ioann.  1,  13).  Neque  enim  caro  et  sanguis  revelant,  sed  pater  qui  in  coelis  est  (Matth.  16,  17).  Quare  rogat  Paulus  Deum  ut  Ephesiis  aperiat  mentis  oculos,  detque  illis  spiritum  sapientiae  et  revelationis  in  agnitionem  sui,  ut  comprehendere  queant,  quae  sit  sua  vocatio  (Ephes.  1,  17.  18).  Et  merito:  si  quidem,  ut  postea  subiicit,  dilectio  Christi  ad  quam  vocamur,  omnem  cognitionem  supereminet  (Ephes.  3,  19).  Unde  sequitur,  quod  alibi  affirmat,  nobis  dari  ut  [pag.  91]  credamus  (Philip.  1,  29):  nec  posse  homines  quidquam  accipere,  nisi  illis  e  coelo  datum  fuerit  (Ioann.  3,  27):  neminem  ad  Christum  venire,  nisi  trahatur  a  patre  (Ioann.  6,  44).  Ad  haec,  si  1)  sans  intelligence.   

[Pre] [Next]


Copyright ⓒ 2018 In Hyuk Lee. All rights reserved. http://blog.naver.com/isaaci