6:601  AUX  NICODEMITES.  cause,  J)  ilz  se  deportent  d'en  iuger:  mais  qu'avec  crainte  et  reverence  ilz  s'en  tiennent  a  l'arrest  que  Dieu  le  souverain  iuge  en  aura  donne.  Si  ce  sont  medecins,  qu'ilz  n'appliquent  point  d'emplastres  superflues  et  de  nul  profit  pour  cacher  le  mal,  qui  ne  se  peut  guarir  qu'en  le  descouvrant.  Si  ce  sont  philosophes  ou  dialecticiens,  qu'ilz  ne  convertissent  point,  a  colorer  le  mensonge,  les  sciences  que  Dieu  a  revelees  au  monde  a  fin  de  les  faire  servir  comme  aydes  et  instrumens  a,  la  verite:  et  ne  pensent  point  que  la  verite  de  Dieu,  que  l'escriture  appelle  invincible,  soit  si  foible,  qu'ilz  la  puissent  en  la  fin  opprimer  par  belles  apparences  de  raisons,  ou  subtilite  de  subterfuges.  Si  ce  sont  gens  qui  s'appliquent  a  lire  les  sainctes  lettres,  qu'ilz  se  gardent  bien  d'encourir  a  leur  escient  ceste  tant  horrible  malediction,  laquelle  est  la  denoncee  a  tous  ceux  qui  diront  le  mal  estre  bien.  Ie  mettray  en  la  quatriesme  espece  [fol.  13]  les  marchans  et  le  commun  peuple:  lesquelz  se  trouvant  bien  en  leur  mesnage,  se  faschent  qu'on  les  viene  inquieter.  Ainsi  pource  qu'il  leur  semble  que  ie  n'ay  point  assez  d'esgard  a,  leur  commodite,  ilz  ne  me  veulent  point  avoir  pour  docteur.  Et  leur  semble  bien  avis,  que  quand  ilz  auront  reiecte  mon  conseil,  qu'ilz  en  seront  quittes  devant  Dieu.  Combien  que  de  ceux  cy  il  y  en  a  moins  que  des  autres:  d'autant  qu'ilz  ont  plus  de  simplicite  et  de  rondeur,  que  ceux  que  i'ay  recitez  cy  dessus,2)  et  pourtant  n'ont  point  de  cavillations  pour  resister  a,  la  verite.  Tant  y  a  neantmoins  qu'il  n'y  a  estat  dont  il  ne  s'en  trouve  quelques  uns,  qui  en  contrefaisant  les  Nicodemites,  sont  mal  contens  de  moy:  comme  si  ie  les  pressois  sans  raison,8)  et  outre  mesure.  Voila  comme  il  faut  qu'un  serviteur  de  Dieu  se^prepare  a  acquerir  beaucoup  de  uialles  graces,  quand  il  voudra  fidelement  remonstrer  a  chacun  ses  vices.  Et  n'est  pas  sans  cause,  qu'en  proverbe  commun  on  dit  que  c'est  le  loyer  de  la  verite.  Quant  a  moy,  il  ne  me  fait  mal,  sinon  d'autant  que  ie  les  voy  tant  adonnez  a  eux  mesmes,  que  si  Dieu  ne  leur  complaist  en  tout  et  par  tout,  ilz  se  despitent  incontinent  contre  luy:  d'autre  pai  t,  que  ie  les  voy  si  mal  affectionnez  au  sainct  Evangile,  lequel  ilz  font  profession  de  suyvre  et  tenir,  que  quand  il  ne  leur  chante  pas  chanson  plaisante,  ilz  sont  quasi  prestz  de  tout  renoncer  incontinent.  S'ilz  ne  le  font  du  premier  coup,  on  vient  facilement  de  l'un  a  l'autre.  Car  s'ilz  s'obstinent  au  iourdhuy  en  un  poinct  contre  Dieu,  pour  ne  point  prester  l'oreille  a.  ce  qu'il  dict,  mais  1)  et  se  tenans  .  .  .  .  cause,  manque  dans  le  latin.  2)  et  de  rondeur  .  .  .  .  dessus,  manque  dans  ie  latin.  3)  sans  raison,  manque  dans  ie  latin.