5:??1  ACTES  DE  RATISBONNE.  remis  au  dessus,  et  cependant  neantmoins,  que  le  droict  de  ceulx  qui  ont  maintenant  tiltre  d'Evesques,  et  iouissent  du  revenu,  demeure  en  son  entier,  c'est  une  chose  [fol.  108]  desirable  a  eulx  et  laquelle  ilz  doivent  beaucoup  plustost  promouvoir,  que  de  perseverer  a  grever  les  Eglises,  et  mesme  les  dissiper  et  desoler,  en  les  commettant  a  gens  ineptes  et  de  mauvaise  conscience,  seulement  pour  retenir  le  nom  de  pasteurs,  lequel  ilz  ont  occupe  iniustement:  veu  qu'en  faisant  le  premier  ilz  pourront  conserver  leur  estat,  dignite  et  seigneuries  pour  l'advenir,  et  avec  ce  la  grace  de  Dieu  et  des  hommes,  et  en  bonne  conscience  iouir  de  ce  qu'ilz  ont:  en  faisant  comme  ilz  font  maintenant,  il  leur  fault  plus  despendre  a  ces  ventres  inutiles  qu'ilz  commettent  en  leur  lieu,  comme  vicegerens.  Et  s'ilz  poursuivent,  il  est  certain,  qu'ilz  emflamberont  l'ire  de  Dieu  et  la  haine  des  hommes  contre  eulx  en  telle  sorte,  qu'ilz  se  mettront  avec  tous  leurs  biens  en  gros  peril.  Touchant  des  noms  et  des  tiltres,  et  aultres  choses  qui  pourroyent  servir  a  orner  et  establir  leur  puissance  et  dignite  pour  entretenir  et  garder  leurs  subiectz  en  obeissance,  on  en  pourra  facilement  convenir.  Encor  ne  suffit  il  pas  d'ordonner  ministres  sur  les  Eglises,  apres  les  avoir  bien  examine  selon  les  escriptures  sainctes  et  canons  anciens  et  constitutions  imperiales:  Item  de  leur  enioindre  ce  qui  appartient  a  leur  ministere,  distribuant  tout  en  bon  ordre,  les  delivrer  de  toute  charge  et  solicitude  non  convenable,  leur  donner  aide  et  support,  comme  il  a  este  dict  que  les  Princes  et  defenseurs  ecclesiasticques  deveront  faire:  mais  aussi  convient,  de  leur  permettre  et  ottroyer  toutes  choses,  lesquelles  pourront  servir  a  ce  qu'ilz  vivent  sainctement,  sans  reprehension,  et  hors  solicitude  mondaine,  et  ainsi  demonstrer  bon  exemple  a  tous  aultres  de  bien  et  honnestement  vivre.  Pour  ceste  cause,  mesme  pource  que  nous  avons  experimente  par  tant  de  scandales,  avec  si  grand  detriment  Jdes  Eglises,  comme  Dieu  veult,  que  son  ordonnance  soit  tenue,  par  laquelle  il  a  declare  qu'il  n'est  pas  bon  a  l'homme  d'estre  seul,  pourtant  qu'il  fault  qu'un  chascun  ait  sa  femme,  et  chascune  femme  son  mary,  [fol.  109J  affin  d'eviter  scortation:  sans  nulle  doubte,  si  on  ne  veult  perdre  l'Eglise,  on  ne  pourra  plus  differer  de  laisser  le  mariage  libre  a  tous  ministres  ecclesiastiques,  a  ce  que  chascun  selon  la  grace  qui  luy  sera  faicte,  et  sa  vocation,  vive  ou  en  mariage  ou  sans  se  marier,  et  ainsi  qu'il  puisse  servir  a  son  Eglise  en  bonne  conscience  et  sans  Offense.  Et  ne  doit  estre  grief,  de  laisser  derriere  les  canons  nouvellement  faictz  de  cela,  lesquelz  ne  conviennent  point  avec  la  parolle  de  Dieu:  veu