49:601  601  SUR  L'EPITRE  AUX  CORINTHIENS.  602  Iesus  Christ:  car  tousiours  de  son  coste  il  sera  prest  d'accomplir  ce  qu'il  dit,  c'est  a  scavoir  que  nous  le  recevrons:  et  Iesus  Christ  qui  a  prononce  le  mot,  se  monstre  en  cela  veritable,  qu'il  s'offre  a  tous  ceux  qui  approchent  de  la  Cene:  si  nous  ne  sommes  capables  de  le  recevoir,  c'est  tout  un.  Car  quand  il  y  aura  la  du  vin,  et  qu'on  estouppera  a  la  bouche  d'un  pot,  il  est  vray  que  le  vin  ne  pourra  point  entrer  dedans  le  pot,  mais  il  ne  laisse  pas  pourtant  d'estre  la.  Quand  un  homme  sera  prest  d'emplir  le  pot  d'un  autre,  et  dira  :  Et  bien,  tu  as  soif,  voyla  de  quoy  pour  boire:  et  si  l'autre  veut  fermer  son  pot  et  ne  daigne  pas  recevoir  ce  qui  luy  est  offert,  le  vin  ne  demeurera-il  point  tousiours  en  sa  nature,  ou  l'eau?  Il  est  bien  certain.  Ainsi  donc  nostre  Seigneur  Iesus  Christ  nous  offre  tant  au  Baptesme  qu'en  la  Cene  ce  qui  nous  est  la  figure:  si  nous  ne  le  recevons,  nostre  ingratitude  nous  empesche:  Mais  cependant  nous  ne  pouvons  pas,  quoy  qu'il  en  soit,  changer  la  nature  du  signe,  que  tousiours  il  ne  soit  spirituel.  Voyla  pourquoy  sainct  Paul  dit  que  c'a  este  un  breuvage  spirituel,  voire  du  coste  de  Dieu:  mais  du  coste  des  hommes  qui  nous  ont  abuse,  il  n'y  a  eu  que  pollution.  Et  pourquoy?  Celuy  qui  ha  sa  conscience  impure,  comme  dit  sainct  Paul,  profane  tout  ce  que  Dieu  a  sanctifie  pour  le  salut  de  son  peuple.  L'eau  du  Baptesme  nous  sera  sacree,  non  point  comme  une  eau  benite  et  charmee  des  Papistes,  mais  d'autant  qu'elle  nous  sera  un  vray  gage  que  Iesus  Christ  est  nostre  purgation,  et  mesmes  nostre  pasture  et  bruvage,  comme  l'eau  du  rocher  a  este  au  peuple  ancien:  toutesfois  il  n'y  a  eu  que  les  fideles  qui  ayent  vrayement  communique  a  ceste  vertu  la,  et  a  ceste  grace  qui  leur  estoit  donnee  en  nostre  Seigneur  Iesus  Christ.  Cependant  Dieu  a  tousiours  persiste  en  son  propos.  Voyla  comme  doit  estre  entendu  ce  passage,  ou  sainct  Paul  dit  que  ce  bruvage  a  este  spirituel  a  tous.  Or  il  adiouste  quant  et  quant  que  Dieu  n'a  point  prins  son  plaisir  en  tous:  car  plusieurs  (dit-il)  ont  este  desfaits  au  desert.  Par  ceci  il  nous  monstre  que  si  nous  n'acceptons  les  graces  que  Dieu  nous  distribue  pour  les  applicquer  a  nostre  profit  et  salut,  elles  ne  nous  pourront  de  rien  profiter.  Gardons  donc  de  nous  glorifier  en  nostre  Baptesme,  ni  en  toutes  les  autres  marques  par  lesquelles  Dieu  nous  invite  et  appelle  a  soy:  car  il  faut  venir  a  la  verite.  Quand  i'allegueray  que  ie  suis  baptize,  que  sera-ce  sinon  que  Dieu  m'a  voulu  adopter  de  sa  famille,  que  Iesus  Christ  m'a  voulu  enter  en  son  corps,  afin  que  i'eusse  ma  vie  de  luy?  mais  tout  mon  Baptesme  ne  me  profitera  point  quand  i'auray  tourne  le  dos  a  celuy  qui  s'etoit  presente  a  moy.  C'est  autant  comme  si  ie  m'estoye  mocque  de  Iesus  Christ,  et  de  toutes  les  graces  Ccdvvni  opera.  Vol.  XLIX,