48:601  601  DE  L'ASCENSION.  602  qu*  est  de  baptizer  au  S.  Esprit.  Tout  ainsi  que  ie  pren  de  l'eau  pour  baptizer,  voyla  Iesus  Christ  qui  accomplit  ce  que  ie  signifie,  et  l'accomplit  par  sa  propre  vertu.  Voyla  donc  que  Iehan  dit,  Ie  baptize  en  eau,  mais  Iesus  Christ  baptize  au  S.  Esprit.  Voyla  ce  qui  est  yci  maintenant  traitte,  et  sera  encores  en  l'onziesme  chapitre.  Au  reste,  il  faut  que  maintenant  nous  parlions  un  mesme  langage  :  ascavoir  que  ce  n'est  pas  a  nous  de  parfaire  les  choses  que  nous  signifions.  Cependant  neantmoins  il  faut  estre  certains  que  Dieu  accomplit  ce  qui  est  signifie  par  le  signe,  et  que,  tout  ainsi  que  le  lavement  des  pechez  est  signifie  par  l'eau,  aussi  il  l'accomplit  par  son  sang.  Voyla  comment  il  faut  distinguer  la  personne  de  Iesus  Christ  et  la  personne  du  ministre,  afin  qu'un  chacun  soit  en  son  degre  et  en  sa  mesure,  et  qu'on  cognoisse  que  toute  perfection  vient  de  ceste  fontaine.  Au  reste,  il  est  certain  que,  quand  Iehan  a  dit  que  Iesus  Christ  baptizoit  en  esprit  et  en  feu,  ce  n'a  pas  este  restreignant  a  ce  que  le  S.  Esprit  est  une  fois  apparu  en  ceste  forme:  car  ceste  promesse  s'accomplit  encores  maintenant,  et  aura  lieu  iusques  a  la  fin  du  monde.  Notons  donc  que,  quand  le  8.  Esprit  a  este  envoye  visiblement  aux  Apostres,  c'est  pour  nous  signifier  que  l'Eglise  sera  tousiours  reglee  par  le  S.  Esprit,  et  qu'il  nous  remplira  de  ses  graces  autant  qu'il  en  sera  arestier.  Vray  est  que  nous  n'en  aurons  pas  en  perfection,  d'autant  qu'il  nous  est  besoin  d'estre  tenus  en  humilite.  mEt  si  nous  en  avions  en  perfection,  que  seroit-ce?  Nous  n'aurions  plus  soin  d'invoquer  Dieu,  et  ne  penserions  point  avoir  besoin  de  luy.  Il  faut  donc  que  nous  ayons  tousiours  faute  de  ses  biens,  afin  d'estre  solicitez  de  le  requerir  qu'il  nous  en  elargisse  d'avantage.  Cependant  cognoissons  que  nous  sommes  tous  baptizez  au  S.  Esprit  et  au  feu:  et  que  Iesus  Christ  ne  permet  point  que  son  Sacrement  soit  vain:  voire  aux  fideles.  Vray  est  qu'encores  que  l'homme  soit  baptize  au  nom  de  Dieu,  toutesfois,  si  quand  il  vient  en  aage  on  le  voit  enclin  a  tout  mal,  on  peut  dire  qu'il  n'est  point  renouvele,  ains  qu'il  est  en  une  nature  brutale.  Mais  ce  n'est  pas  a  dire  pourtant  que  le  Sacrement  n'ait  sa  propriete  et  nature:  car  le  Baptesme  emporte  de  soy  que  nous  soyons  renouvelez:  et  si  nous  ne  le  sommes,  la  faute  est  en  nous:  ascavoir  d'autant  que  nous  ne  souffrons  pas  que  Iesus  Christ  accomplisse  en  nous  sa  grace:  et  estans  infideles,  nous  luy  fermons  nostre  coeur,  tellement  qu'il  n'y  a  point  d'entree  aux  graces  qu'il  nous  veut  elargir.  Voyla  donc  comme  le  Sacrement  aura  tousiours  sa  vertu,  mais  nous  n'en  recevons  pas  le  fruit  en  nous,  pource  qu'il  n'y  a  point  d'entree  sinon  par  foy.  Maintenant  nous  avons  a  noter  que  la  verite  du  Baptesme  n'est  pas  en  l'eau  mais  au  sainct