35:601  601  DE  LA  PROPHETIE  DE  CHRIST.  602  il  a  voulu  estre  crucifie,  et  n'a  point  refuse  ceste  mort  tant  ignominieuse  et  maudite,  voire  devant  Dieu  et  devant  les  hommes  :  et  le  tout  afin  de  porter  sur  soy  tout  ce  qui  nous  estoit  deu.  Or  maintenant  pour  ceste  cause,  dit-il,  le  Pere  Pa  exalte  et  luy  a  donne  un  Nom  tel,  qu'il  faut  que  toutes  creatures  luy  facent  hommage  et  haut  et  bas,  et  que  tous  confessent  que  vrayement  il  est  en  la  gloire  de  Dieu  son  Pere:  et  que  si  nous  voulons  contempler  quelle  est  la  maieste  de  Dieu,  pour  le  glorifier  selon  qu'il  en  est  digne,  il  nous  faut  venir  a,  nostre  Seigneur  Iesus  Christ.  Voyla  en  somme  ce  que  le  Prophete  a  voulu  dire,  qu'il  ne  faut  point  que  ce  qu'il  a  este  abbaisse  pour  un  temps,  nous  ferme  la  porte  que  nous  ne  croyons  en  Iesus  Christ,  et  que  nous  ne  mettions  tout  nostre  coeur  en  luy:  mais  qu'il  faut  que  nous  regardions  quelle  en  a  este  la  fin:  et  quand  nous  parlons  de  sa  mort,  que  nous  venions  incontinent  a  sa  resurrection,  et  conioingnions  le  tout:  comme  ce  sont  deux  choses  inseparables,  que  Iesus  Christ  a  voulu  souffrir  en  l'infirmite  qu'il  avoit  prinse  de  nous,  et  qu'il  est  ressuscite  en  la  vertu  de  son  sainct  Esprit:  et  qu'en  cela  il  s'est  declare  le  vray  Fils  de  Dieu,  comme  sainct  Paul  en  parle  tant  en  la  premiere  a  Timothee,  qu'en  la  seconde  aux  Corinthiens,  et  puis  au  premier  chapitre  des  Romains.  Et  voyla  a  quoy  aussi  le  Prophete  a  pretendu  en  ce  passage.  Or  nous  avons  dit  qu'on  ne  voit  point  seulement  cela  en  la  personne  de  nostre  Seigneur  Iesus  Christ,  mais  aussi  en  son  Evangile.  Car  comment  est-ce  que  Iesus  Christ  a  este  cognu,  et  quelle  obeissance  le  monde  luy  a  il  rendu,  quand  l'Evangile  s'est  presche?  Nous  voyons  que  ceux  ausquels  il  avoit  donne  toute  authorite,  non  seulement  ont  este  mocquez  et  condamnez  des  hommes,  mais  qu'on  les  a  batus  et  fouettez,  et  finalement  fait  mourir  ignominieusement.  Puis  qu'ainsi  est  donc,  que  nous  surmontions  tels  scandales,  et  qu'estans  armez  de  ce  qui  est  yci  dit  par  le  Prophete,  nous  regardions  la  fin  a  laquelle  nostre  Seigneur  Iesus  est  parvenu,  pour  clorre  la  bouche,  c'est  a  dire  pour  estre  estonnez  et  n'avoir  aucune  replique:  comme  nous  voyons  que  les  incredules  iargonnent.  Or  si  est-ce  qu'il  y  a  cela,  et  iamais  ne  peuvent  venir  a  nostre  Seigneur  Iesus  Christ  pour  luy  faire  hommage,  d'autant  qu'ils  ont  quelque  raison,  ce  leur  semble,  pour  disputer  a  l'encontre.  Mais  il  nous  est  yci  dit  que  quand  nous  regarderons  bien  a  quoy  nostre  Seigneur  Iesus  est  parvenu,  et  quelle  a  este  la  fin  et  le  fruit  de  sa  mort  et  passion,  laquelle  il  a  enduree,  pour  nostre  salut,  qu'alors  nostre  bouche  sera  close.  Car  quand  l'Escriture  parle  ainsi,  elle  signifie  une  consideration  des  oeuvres  de  Dieu  toute  rassise  et  posee.  Car  cependant  que  les  hommes  ont  la  bouche  ouverte