32:601  601  SUR  LE  PSEAUME  CXIX.  602  que  nous  soyons  asseurez  que  les  bontez  de  Dieu  nous  seront  appareillees,  moyennant  que  nous  les  cerchions  selon  sa  parole.  Et  qu'ainsi  soit,  si  nous  n'avions  les  promesses  de  Dieu,  ce  seroit  presomption  a  nous  de  venir  a  luy,  et  luy  faire  quelque  demande  :  Seigneur,  i'ay  besoin  et  necessite.  Et  bien,  voyla  desia  quelque  chose  pour  venir  a  Dieu.  Et  bien,  Seigneur,  tu  es  bon  :  voyla  qui  augmente  le  courage.  Mais  pource  que  nous  sommes  tant  eslongnez  de  Dieu,  que  nous  ne  pouvons  pas  approcher  de  sa  maieste,  sinon  qu'il  descende  a,  nous:  il  faut  donc  que  devant  que  nous  puissions  avoir  nul  accez  a  faire  quelque  oraison,  que  nous  mettions  ce  fondement  qui  est  yci  donne:  c'est  ascavoir,  la  parole  de  Dieu,  quand  par  icelle  Dieu  nous  a  rendu  tesmoignage  que  sa  misericorde  est  apprestee,  qu'il  la  nous  met  en  avant,  et  la  nous  offre.  Il  ne  reste  sinon  que  nous  la  venions  recevoir  par  foy,  et  que  nous  declarions  ceste  foy-la  par  prieres  et  oraisons.  Ainsi  donc,  nous  voyons  l'ordre  qui  est  yci  mis  de  David,  c'est,  qu'il  nous  amene  a  Dieu,  afin  que  nous  prenions  tout  nostre  contentement  et  repos  et  toute  nostre  resiouissance  sur  sa  pure  bonte.  Et  puis,  qu'il  nous  recoyve  par  sa  misericorde,  nous  ayant  regarde  en  pitie.  Pour  le  troisieme,  il  nous  monstre  comment  nous  devons  faire  une  telle  demande,  c'est,  pource  que  Dieu  s'est  oblige  a  nous  de  son  bon  gre,  et  qu'il  nous  a  rendu  tesmoignage  qu'il  nous  sera  prochain.  Quand  donc  nous  viendrons  a  luy  en  telle  facon,  ne  doutons  point  qu'il  ne  nous  exauce  en  ce  que  nous  luy  aurons  demande.  Et  notamment  il  dit,  Parole  a  ton  serviteur:  pour  nous  monstrer  qu'il  faut  qu'un  chacun  de  nous  applique  les  promesses  de  Dieu  a  son  usage  particulier.  Que  nous  ne  facions  point  comme  les  Papistes,  qui  diront,  O,  il  est  vray  que  Dieu  a  promis  cecy  et  cela,  mais  nous  ne  scavons  pas  s'il  nous  appartient.  Et  ce  ne  sont  pas  les  idiots  qui  parlent  ainsi,  mais  c'est  la  doctrine  de  toutes  leurs  escoles  et  synagogues  diaboliques.  Voyla  comme  parlent  tous  les  docteurs  de  la  Papaute,  que  les  promesses  de  Dieu  sont  incertaines,  qu'il  nous  les  faut  recevoir  comme  pendues  en  Fair:  qu'il  ne  les  faut  pas  accepter  du  tout,  pour  dire,  ie  ne  doute  point  que  Dieu  ne  parle  a  moy.  Or  au  contraire,  il  nous  faut  faire  ceste  conclusion  que  fait  yci  David,  Seigneur,  selon  ta  parole  donnee  a  ton  serviteur.  Il  ne  dit  point,  Selon  ta  parole  donnee  a  ie  ne  scay  qui,  aux  hommes  du  nombre  desquels  ie  ne  suis  pas,  en  telle  sorte  que  ie  ne  m'y  puisse  pas  appuyer:  mais  il  dit,  Selon  ta  parole  donnee  a  moy,  Seigneur.  Apprenons  donc  a  son  exemple,  quand  nous  demanderons  a  Dieu  qu'il  nous  assiete,  de  luy  alleguer  ses  promesses,  voire  les  appliquant  a  nous,  comme  c'est  aussi  a  un  chacun  de  nous  en  particulier  qu'elles  s'adressent,  et  a  tous  en