9:600  que  luymesme  fait  semblant  de  les  approuver?  C'eust  bien  este  destruire  ce  qu'il  avoit  edifie,  [page  28]  Mais  encore  quelle  raison  y  eust-il  eu?  Car  encore  sainct  Paul  avoit  declare  en  Ierusalem  que  par  toutes  les  regions  ou  il  avoit  presche  il  ne  chargeoit  point  les  Payens  du  ioug  des  ceremonies  Legales  (Act.  15).  Et  ceste  doctrine  avoit  este  receue,  et  lettres  envoyees  par  tout  pour  approuver,  une  telle  liberte.  Sainct  Paul  donc  se  fust  retracte  et  dementi  faisant  a  croire  par  fallace  qu'il  preschoit  tout  autrement  qu'il  ne  faisoit  pas.  Mais  ce  babouinfait  encore  ses  triomphes  disant  que  S.  Paul  n'a  point  este  serf  de  la  lettre,  mais  a  ensuyvi  Iesus  Christ,  qui  est  maistre  du  Sabbath.  Prenons  le  cas  qu'ainsi  soit,  mais  il  y  a  bien  a  dire  entre  se  donner  liberte  en  une  chose  indifferente,  ou  une  chose  de  soy  mauvaise.  De  chanter  un  Salve  regina,  qui  est  tout  farci  de  blasphemes,  et  ou  Iesus  Christ  est  vilainement  despouille  de  toute  sa  dignite,  pour  en  revestir  la  vierge  Marie:  ce  galand  veut  qu'il  soit  licite,  sous  ombre  que  sainct  Paul  a  use  d'une  ceremonie,  laquelle  de  soy  n'emportoit  ne  bien  ne  mal  entre  les  Iuifs.  Nous  avons  donc  a  noter  qu'en  choses  qui  d'elles-mesmes  ne  sont  point  vicieuses,  nous  Bvons  liberte  d'en  user,  ou  nous  en  abstenir.  Mais  ou  le  mal  est  tout  notoire,  il  faut  bien  tenir  une  autre  reigle.  Parquoy  c'est  en  vain  que  ce  brouillon  dresse  les  cornes,  disant  que  les  Gentils  avoyent  plus  d'occasion  d'estre  scandalisez  en  sainct  Paul  leur  Apostre,  que  nous  n'avons  pas  en  voyant  quelqu'un  s'agenouiller  devant  une  idole.  Il  y  auroit  quelque  couleur,  si  on  luy  ottroyoitsa  demande:  c'est  que  sainct  Paul  a  voulu  faire  a  croire  qu'il  enseignoit  tout  le  contraire  [page  29]  de  sa  doctrine  propre.  Mais  il  est  bien  certain  que  sainct  Paul  eust  mieux  aime  d'estre  abysme  cent  fois,  que  d'avoir  ainsi  mis  en  opprobre  la  purete  de  l'Evangile,  ou  l'avoir  corrompue  par  telle  simulation  ou  menterie.  Quelle  estoit  donc  son  intention?  de  monstrer  qu'il  ne  s'estoit  pas  retranche  des  Iuifs  comme  d'une  nation  maudite,  et  qu'il  n'avoit  point  la  Loy  en  horreur.  Et  de  faict,  les  gentils  qui  estoyent  en  sa  compagnie,  ne  furent  point  scandalizez  d'un  tel  faict:  sachans  qu'il  ne  tendoit  point  pour  renverser  ce  qu'il  avoit  presche,  mais  a  se  purger  de  la  fausse  opinion  qu'on  avoit  conceue  contre  luy,  qu'il  estoit  adversaire  de  la  Loy.  Ce  qui  est  bien  conferme  par  le  dire  des  Apostres,  quand  ils  exhortent  sainct  Paul  a  faire  son  offrande,  afin  que  tous  sachent  que  le  bruit  qu'on  avoit  seme  de  luy,  n'estoit  pas  vray  (Act.  21,  24).  Il  ne  pensoit  pas  donc  a  mentir  pour  appaiser  les  Iuifs,  mais  plustost  a  redarguer  la  vanite  de  ceux  qui  l'avoyent  faussement  calomnie.  Dont  il  s'ensuit  que  ce  qu'il  fist  pour  lors  estoit  conforme  et  bien  accordant  a  toute  sa  doctrine.  Vray  est  qu'il  s'est  fait  serviteur  des  Iuifs  pour  les  gagner,