8:600  non  potius  de  substantia.  Fatemur  in  carne  illa,  quae  vere  humana  erat,  et  ex  Davide  habebat  originem,  conspicuam  fuisse  unigeniti  filii  Dei  gloriam.  Imo  carnem  ipsam  quum  terrestris  esset  ac  mortalis,  vivificam  tamen  fuisse  et  coelestis  vitae  cibum.  Sed  haec  ad  qualitatem  referri  debent:  interim  ipsa  carnis  natura  nobis  consideranda  est.  Quaeritur  enim  in  qua  carne  completa  fuerit  peccati  expiatio.  Respondet  Paulus,  damnatum  in  carne  fuisse  peccatum.  Non  fabricat  coelestem  carnem  quae  ex  elementis  increatis  defluxerit,  sed  dum  in  vitio  et  corruptela  externam  illi  similitudinem  cum  nostra  tribuit,  substantiam  procul  dubio  et  puram  naturam  fuisse  eandem  significat.  Quaeritur  rursus  in  qua  carne  futurae  resurrectionis  primitias  inveniat  fides.  Qui  diversam  a  nostra  imaginatur,  Christum  a  membris  suis  separans,  terrenis  et  caducis  hominibus  beatae  spei  ianuam  praecludit.  Quid  enim  id  nos  iuvabit,  corpus  ex  Dei  substantia  et  increatis  elementis  conflatum  resurrexisse?  Nempe  [pag.  195]  naturae  diversitas,  societatem  illam,  cuius  fiducia  nitimur,  abscindet.  Iam  quod  teste  Paulo  Christus  est  filius  Davidis  secundum  carnem,  et  ex  Iudaeis  secundum  carnem  descendit,  non  admittit  fictitiam  illam  mixturam  ut  particula  carnis  credatur  esse  ab  homine,  non  tota  caro  in  solidum.  Negat  Servetus  id  quadrare  in  carnem,  nisi  quatenus  a  deitate  secernitur.  Sed  clariora  sunt  Pauli  verba,  quam  ut  longiori  disceptatione  opus  sit.  Interim  calumniae  me  accusat  quia  dixerim,  Christo  nonnisi  quartam  humanae  naturae  partem  hoc  modo  fieri  a  matre  residuam.  Falsarium  quoque  et  mendacem  me  vocat,  quia  carnem  ab  eo  dixerim  in  deitatem  converti.  Sed  quomodo  secum  agi  vult,  nisi  ex  verborum  suorum  formula?  Sic  autem  Epistola  6  loquitur:  Quod  caro  in  verbum  transformata  fuerit.  De  tribus  elementis,  *)  locus  est  minime  obscurus  Dial.  2  de  Trinit,  pag.  250,  quod  ab  ipso  Mariae  utero  sumpta  sit  materia  carnis  Christi  terrea,  eadem  tamen  caro  elementa  verbi  habuerit  vere  divina,  et  Dei  substantiam.  Si  de  proportione  rixatur  mihi  certe  in  statera  appendere  propositum  non  fuit,  quanta  a  matre  portio2)  sumpta  foret.  Quod  voluit  Servetus  suis  verbis  abunde  testatum  fecit,  tribus  partibus  a  nobis  differre  Christum,  quia  ex  tribus  elementis  increatis  compositum  eius  corpus,  non  modo  vere  divinum  sit,  coeleste  ac  aeternum,  sed  rite  censeatur  Deus,  non  minus  quam  spiritus  et  Christus  ipse,8)  Dial.  1  pag.  231.  Iam  quum  nihil  absurdius  fingi  possit  illo  1)  De  tribus  elementis  om.  G.  2)  combien  il  y  avoit  plus  d'onces  d'un  coste  que  de  l'autre.  3)  en  son  entier.