7:600  affectum  secum  trahere,  qui  cordi  insideat.  Quarto,  non  ex  humanae  mentis  perspicacia  eandem  hanc  nasci,  vel  ex  proprio  cordis  motu,  sed  esse  singulare  spiritus  sancti  opus,  cuius  est,  tum  mentes  illuminare,  tum  obsignare  corda.  Pobtremo,  non  omnes  promiscue  hanc  spiritus  efficaciam  sentire,  sed  qui  ad  vitam  sunt  ordinati.  Quod  ordine  primum  posuimus,  quia  in  confesso  est  apud  omnes,  probatione  nulla  indiget.  In  secundo  etiam  probando,  non  tam  sedulo  colligenda  sunt  testimonia,  quam  admonendus  lector,  ut  quae  passim  occurrunt  in  scripturis  expendat.  Sunt  enim  prope  innumera,  et  brevitati  studendum  est.  Paulus  quum  a  lege  discernit  evangelium,  fidei  doctrinam  appellat  (Rom.  10,  6).  Et  alibi,  revelari  in  ipso  Dei  iustitiam  docet  ex  fide  in  fidem  (Rom.  1,  17).  Item:  Ideo,  inquit,  ex  fide,  ut  secundum  gratiam:  quo  firma  sit  promissio  (Rom.  4,  16).  1)  Eodem  pertinet  quod  scribit,  evangelium  in  obedientiam  fidei  praedicari  (Rom.  1,  5).  Et  ubi  evangelium  non  ex  lege,  sed  expromissione  esse  docet:  continuo  post  concludit,  ut  promissio  ex  fide  detur  (Gal.  3,  22).  Quibus  verbis  aperte  notatur  mutua  inter  fidem  et  gratuitas  Dei  promissiones  relatio.  Hinc  iam  conficitur,  fidem  in  Christo  solo  quiescere:  utpote  in  quo  omnes  Dei  promissiones  sunt  Etiam  et  Amen  (2  Cor.  1,  20).  Ita  enim  Deus  dilexit  mundum,  ut  filium  suum  unigenitum  dederit,  ut  quisquis  in  eum  credit,  non  pereat  (Ioann.  3,  16).  Quae  sententia  non  frustra  toties  [pag.  89]  repetitur.  Quare  alibi  Paulus,  quum  lucem  evangelii  commendat,  dicit  illic  refulgere  Dei  gloriam  in  facie  Christi  (2  Cor.  4,  6).  Nec  temere,  quum  de  fide  meminit  scriptura,  quasi  expositionis  vice  additur:  in  Christum.  Significat  enim  haec  particula,  quod  latius  docetur  tertio  capite  ad  Romanos  (v.  24)  :  Christum  esse  propositum  reconciliatorem,  ut  per  fidem,  intercedente  ipsius  sanguine,  gratis  iustificemur  Dei  gratia.  Quod  ipsum  deinde  pluribus  locis  confirmat.  Idem  sibi  vult  quod  ad  Galatas  (3,  16)  scribit,  non  nisi  in  uno  semine,  hoc  est,  Christo,  stabilitas  fuisse  promissiones.  Eadem  ratione,  tam  ad  Ephesios  quam  ad  Philippenses  fidem  interpretatur,  cognitionem  filii  Dei:  in  qua  etiam  totam  sapientiam  piorum  includit  (Ephes.  4,  13;  Philip.  3,  8):  quemadmodum  alibi  negat,  quidquam  sibi  aliud  esse  eximium:  et  se  Iesum  Christum  praedicasse  gloriatur,  tanquam  in  quo  consistat  evangelii  summa  (1  Cor.  2,  2).2)  Porro  ex  fide  gigni  divini  in  nos  amoris  fidu-  1)  In  editione  germanica,  et  quidem  "in  ipso  textu,  h.  I.  appositus  legitur  heus  Gal.  3.  ex  lapsu  memoriae,  sme  dubio;  quod  tamen  caeterae  omnes  servarunt,  sed  alkgatione  in  marginem  relegata.  2)  Add.  mesme  il  en  parle  au  premier  des  Romains.