32:600  dation,  c'est,  que  nous  soyons  enseignez  de  Dieu,  et  non  seulement  que  nous  soyons  enseignez  par  paroles,  mais  que  par  son  sainct  Esprit  il  nous  illumine,  pour  nous  faire  scavoir  ou  sa  parole  nous  conduit.  Voyla,  dy-ie,  le  droit  chemin  de  salut.  Or  avons-nous  fait  ceste  requeste?  nous  pouvons  demander  a  Dieu  qu'il  ne  nous  defaille  en  rien  qui  soit,  que  sa  misericorde  soit  pour  nous  consoler.  Mais  encores  yci  nous  voyons  comme  David  ne  prend  point  de  consolation  ne  de  resiouissance  sinon  en  Dieu,  cognoissant  que  toute  la  ioye  que  les  hommes  prennent  yci  bas,  sera  maudite,  quand  ils  ne  regarderont  point  a  leur  Createur.  Et  toutesfois,  voyla  comme  nous  avons  accoustume  de  nous  resiouir,  c'est,  en  oubliant  Dieu,  et  en  luy  tournant  le  dos.  Or  mal-heur  sur  telle  ioye:  car  l'issue  n'en  peut  estre  autre,  sinon  ainsi  que  dit  nostre  Seigneur  Iesus  Christ,  qu'elle  sera  convertie  en  pleur  et  en  grincement  de  dents.  Toutesfois,  le  monde  est  enyvre:  quelque  chose  qu'on  luy  propose,  il  n'en  tient  conte,  il  reiette  toute  bonne  doctrine.  Tant  y  a,  que  cecy  n'a  point  este  escrit  en  vain:  mais  nous  serons  tant  plus  inexcusables,  quand  nous  aurons  l'exemple  de  David,  sinon  que  nous  l'ensuyvions.  Voyla  quant  au  premier,  que  David  apres  avoir  circuy  haut  et  bas  par  tout  le  monde,  ne  trouve  nul  repos,  pour  consoler  son  esprit  ny  son  ame,  sinon  quand  il  vient  a  Dieu.  La,  dy-ie,  ii  trouve  a  se  resiouir:  ne  trouvant  qu'inquietude  en  toutes  creatures.  Or  il  met  puis  apres,  comment  on  se  peut  resiouir  en  Dieu,  c'est  ascavoir,  par  sa  misericorde  :  car  cependant  que  Dieu  nous  traittera  selon  que  nous  en  sommes  dignes,  nous  n'aurons  point  dequoy  nous  resiouir,  mais  plustost  il  faudra  que  nous  soyons  confus  d'horreur.  Quand  Dieu  se  declarera  nostre  iuge,  helas,  que  pourrons-nous  devenir?  ne  faut-il  pas  que  nous  soyons  abysmez?  s'il  est  question  de  comparoistre  devant  la  face  de  nostre  Dieu,  que  sera-ce  de  nous  qui  humons  l'iniquite  comme  le  poisson  hume  l'eau,  ainsi  qu'il  est  dit  au  livre  de  Iob?  Pourtant,  scachons  que  pour  nous  bien  resiouir  et  trouver  repos  certain  en  nos  consciences,  il  faut  nous  adresser  a  ceste  misericorde  gratuite  de  nostre  Dieu,  qu'il  se  declare  pitoyable  envers  nous,  selon  qu'il  nous  voit  miserables  creatures,  et  du  tout  perdues,  et  que  luy  nous  tende  la  main  par  sa  pitie.  Or  David  en  la  fin  monstre  sur  quoy  il  se  fonde,  en  faisant  telle  requeste:  Selon  ta  parole  donnee  a  ton  serviteur,  dit-il.  Voyla  ou  nous  devons  estre  fondez  et  appuyez  quand  nous  voulons  venir  a.  Dieu  pour  estre  exaucez  de  luy:  c'est  ascavoir,  en  sa  pure  misericorde,  comme  nous  avons  dit  cy  dessus.  Mais  sommes-nous  venus  iusques  la?  ce  poinct  est  encores  requis  d'avantage,  c'est  ascavoir,