8:60  ad  evangelii  fastidium  exasperare  nos  deberent.  Quantumvis  insulsas  naenias  blaterent  monachi  aliique  magistri  papalis  synagogae,l)  quamlibet  absurdis  glossis  scripturam  deforment,  hoc  totum  non  aegre  condonant  boni  isti  viri.  Si  quid  forte  minus  aptum  nostris  hominibus  exeat,  tanquam  magno  piaculo  a  nobis  audiendis  arceri  se  obtendunt.  Contorta  scripturae  testimonia,  sententias  male  cohaerentes,  argumenta  frivola  patienter  ferunt  in  vetustis  scriptoribus:  centesimam  partem  si  reperiant  in  nostrorum  hominum  scriptis,  non  moda  nos  damnabunt  omnes  qui  erimus  innoxii,  sed  a  tota  doctrina  abstinendum  ducent.  Neque  tamen  eorum  hic  causam  suscipio,  qui  scripturiendo  pruritum  suum  sedant.  Optandum  enim  est,  ut  supersedeant,  qui  tales  sunt,  a  chartis  inquinandis.  Verum,  ut  indulgentia  fovendas  non  esse  paucorum  ineptias  concedo:  ita  insipidam  hoc  taedio  totam  evangelii  doctrinam  reddi  quam  iniustum  sit,  omnes  vident.  Est  quidem  verum  illud  quod  dixi,  in  media  evangelii  luce  multo  clarius  perspici,  quae  prius  velut  in  nocte  caliginosa  latuerunt.  Sed  in  una  parte  ad  quaevis  errata  secure  libenterque  connivere,  quum  in  altera  quae  carpas  plus  quam  curiose  observes,  id  vero  scandala  cupide  appetentis,  et  sibi  fingentis  esse  dico.  Nec  vero  aliunde  provenit  offensio,  quam  illis  [pag.  77]  quorundam  affert  vita  professioni  non  respondens.  Si  eorum  duntaxat,  qui  evangelium  sequi  se  iactant,  corrupta  esset  ac  dissoluta  vita,  magis  speciosa  offensionis  causa  censeri  posset.  Verum,  quum  promiscue  in  toto  fere  orbe  scelera  exundaverint,  quid  dicemus,  nisi  veterem  illam  poetae  querimoniam  in  nostrum  quoque  saeculum  vere  competere?  Aetas  parentum  peior  avis  tulit  nos  nequiores,  mox  daturos  progeniem  vitiosiorem.  Et  quorsum  spectat  illa  Christi  admonitio,  aetati  Noe  similem  fore  postremam  (Luc.  17,  26):  horribile  quoddam  fore  iniquitatis  diluvium,  quo  terra  obruatur,  nisi  ut  sponte  iani  ad  Christum  properantibus  talis  scelerum  colluvies  festinandi  studium  acuat?  Accedit  huc  quoque,  ut  retuli,  iusta  contempti  evangelii  ultio.  Tam  sacro  enim  thesauro  qui  abusi  sunt,  quis  dignos  esse  neget,  quos  Dominus  in  mentem  reprobam  coniiciat,  ut  se  ad  omne  flagitii  genus  prostituant?  Nec  vero  aliud  sperandum  est,  quam  ut  magis  ac  magis  passim  homines  profanescant,  quorum  paucos  ab  hoc  sacrilegio  immunes  esse  scimus.  Ego  tamen  aliam  superioribus  istis  causam  addo:  eos  scilicet  quos  nostrorum  hominum  vitia  ab  evangelio  repellunt,  malignos  esse  et  iniquos  censorem  Dicunt  nec  pie  nec  honeste  pleros-  1)  la  bouche  des  caffards  et  de  tous  messieurs  nos  maistres  de  Sorbone*