7:60  d'iceux  est  fonde.  Il  estoit  donc  mestier  que  les  habitans  de  Ierusalem,  qui  estoyent  hors  de  l'Eglise  Chrestienne,  et  qui  avoyent  consenty  a  la  mort  de  nostre  Seigneur  eus&ent  vraye  repentance,  devant  qu'avoir  tesmoignage  par  le  Baptesme,  que  le  Seigneur  Iesus  les  acceptoit  au  nombre  des  fideles,  II  estoit  mestier  que  l'Eunuche  par  vraye  foy  se  rangeast  au  troppeau  de  Christ,  devant  qu'il  fust  capable  de  porter  sa  marque.  Mais  puis  que  ceste  promesse  est  faicte  a  tout  homme  fidele:  Ie  suis  le  Dieu  de  ta  lignee  (Gen.  17,  7),  les  enfans  qui  descendent  de  luy  ont  un  autre  privilege:  c'est  que  Dieu  les  recongnoit  comme  siens,  a  cause  de  leurs  peres.  Et  afin  qu'il  ne  semble  que  ie  songe  cela  de  ma  teste,  nostre  Seigneur  nous  en  a  monstre  l'exemple  en  Isaac  (G-en.  21,12).  Il  est  vray,  comme  nous  avons  dict,  que  devant  que  communiquer  le  signe  de  la  Circoncision  a  Abraham,  il  l'enseigna  en  la  doctrine  de  foy  et  de  repentance.  Mais  l'ayant  receu  en  son  Eglise,  il  [page  23]  ordonna  que  sa  lignee  Iust  participante  d'un  tel  bien.  Et  ainsi  Isaac  et  tous  les  autres  successeurs  furent  circonciz  dez  leur  enfance.  Nous  avons  donc  Dieu  pour  autheur  de  ceste  difference,  de  laquelle  despend  toute  la  difficulte  de  ceste  question.  Mais  pource  qu'ilz  ne  veulent  accepter  la  similitude  que  nous  amenons  entre  la  circoncision  et  le  Baptesme,  il  sera  expedient  de  monstrer,  devant  que  passer  outre,  que  c'e&t  une  mesme  choso.  Quand  on  veut  parler  d'un  Sacrement,  il  est  a  noter  que  toute  la  substance  et  propriete  doit  estre  estimee  de  la  doctrine,  dont  le  Sacrement  est  confirmation.  Notons  donc  cela,  que  la  doctrine  est  comme  le  principal:  le  Sacrement  est  comme  aceebsoire.  Venons  maintenant  a  faire  comparaison  du  Baptesme  avec  la  circoncision.  Le  Baptesme  emporte  penitence,  ou  renouvellement  de  vie,  avec  promesse  de  la  remission  de  noz  pechez.  La  circoncision  autant,  et  ne  plus  ne  moins.  Que  ainsi  soit:  touchant  de  la  repentance,  il  en  est  souvent  faict  mention,  tant  en  Moyse  qu'aux  Prophetes,  ou  il  est  parle  de  circoncire  les  cueurs.  Car  c'est  ce  que  le  nouveau  Testament  appelle  mortifier  le  vieil  homme  (Rom.  6,  6;  Ephes,  a,  22).  En  somme,  circoncision  spirituelle  vaut  autant  a  dire  comme  repentance.  Quant  est  [page  24]  de  la  seconde  partie,  assavoir  de  la  remission  des  pechez,  il  n'en  faut  pas  demander  plus  claire  approbation  que  ceste  sentence  de  sainct  Paul  ou  il  dit  que  la  circoncision  a  este  donnee  a  Abraham  pour  luy  estre  confirmation  de  la  iustice  gratuite  qu'il  avoit  obtenue  par  foy  (Rom.  4,  l  l  )  .  Si  donc  maintenant  on  argue  que  c'est  contre  raison  de  baptiser  les  petis  enfans,  qui  n'ont  point  de  foy  ne  repentance,  puis  que  le  Baptesme  est  Sacrement  de  la  regeneration  et  du  lavement  spirituel  que  nous  avons  en  Iesus  Christ,  ie  res-