58:60  esperance  nous  voions  qu'il  nous  a  retirez  des  abismes,  ausquels  nous  estions,  afin  de  nous  introduire  en  l'heritage  celeste.  Or  nous-nous  prosternerons  devant  la  face  de  nostre  bon  Dieu  en  cognoissance  de  nos  fautes,  le  priant  qu'il  nous  les  face  tellement  sentir,  que  ce  soit  pour  nous  despouiller  de  toutes  nos  meschantes  cupiditez  et  rebellions,  et  pour  estre  tellement  renouvelez,  que  nous  ratifions  nostre  vocation,  en  vivant  sainctement,  et  nous  conformant  du  tout  a  sa  iustice:  et  qu'il  nous  supporte  tellement  en  nos  infirmitez,  qu'il  ne  permette  pas  combien  que  nous  soions  environnez  de  tant  d'ennemis,  que  iamais  nous  defaillions  :  mais  qu'il  supplee  a  toutes  nos  foiblesses,  afin  que  son  election  declare  sa  vertu  iusques  en  la  fin,  et  que  nous  en  sentions  le  fruit,  en  sorte  que  nous  aions  dequoy  le  glorifier  et  en  la  vie  et  en  la  mort.  Ainsi,  nous  dirons  tous,  Dieu  tout  puissant,  Pere  celeste,  nous  recognoissons  en  nous-mesmes,  et  confessons  comme  la  verite  est,  que  nous  ne  sommes  pas  dignes,  etc.  QUATRIEME  SERMON.  23.  Les  iours  de  V  enfantement  de  Rebecca  vindrent,  et  voici  deux  gemeaux  en  son  ventre.  24.  Et  celuy  qui  sortit  le  premier  estoit  roux,  et  tout  velu  comme  une  robbe  velue,  et  son  Nom  fut  Esau.  25.  Et  V  autre  sortant,  tenoit  en  sa  main  le  talon  il'iceluy,  et  son  Nom  fut  appele  Iacob.  Or  quand  ces  deux  enfans  nasquirent,  Isaac  avoit  soixante  ans.  26.  Depuis  les  enfans  devindrent  grans:  et  Esau  fut  chasseur  et  homme  de  labeur:  et  Iacob  estoit  homme  simple,  habitant  au  tabernacle.  27.  Et  Isaac  aimoit  Esau,  pource  qu'il  luy  apportoit  de  la  venaison  de  sa  chasse:  mais  Rebecca  aimoit  Iacob.  Pour-ce  que  l'election  de  Dieu  est  secrette  en  soy,  il  faut  qu'elle  se  monstre  avec  le  temps,  comme  Dieu  sait  parfaire  ses  oeuvres  :  car  il  ne  suffiroit  pas  qu'il  nous  eust  choisis,  et  qu'il  nous  eust  marquez,  mais  il  faut  qu'il  continue  iusques  a  la  fin,  et  qu'il  declare  que  son  election  n'est  point  vaine,  mais  qu'elle  a  sa  vertu  et  vigueur  pour  nous  conduire  a  salut.  Or  cela  se  fait  en  diverses  sortes:  car  Dieu  n'est  pas  astraint  a  une  facon  egale:  il  a  ses  moiens,  tels  qu'il  lui  plaist  de  les  ordonner.  Quelquefois  il  monstre  son  election  bien  tost,  quelquefois  il  attent  par  longue  espace  de  temps:  et  ceux  qui  pensent  qu'il  y  ait  quelque  semence  en  tous  ceux  que  Dieu  a  eleus,  tellement  qu'on  les  puisse  discerner  d'avecques  les  autres,  pource  qu'ils  sont  enclins  a  bien,  qu'ils  ont  quelque  affection  de  servir  Dieu:  ceux-la  se  trompent  trop  lourdement,  et  sont  aussi  redarguez  par  l'experience.  Iean  Baptiste  a  este  sanctifie  des  le  ventre  de  sa  mere:  mais  il  y  a  diverse  raison  en  beaucoup  d'autres.  Car  Dieu  souffrira  que  ses  eleus  soient  quelquefois  comme  brebis  esgarees,  et  semble  qu'elles  soient  du  tout  perdues:  et  c'est  pour  donner  tant  plus  de  lustre  a  sa  grace.  Comme  nous  voions  maintenant  quelque  signe  en  Iacob,  que  Dieu  l'avoit  eleu,  et  qu'il  avoit  reiette  son  frere  Esau.  Car  Iacob  a  tenu  le  talon  de  son  frere,  comme  s'il  eust  combatu  contre  lui.  Et  cela  ne  s'est  point  fait  de  cas  fortuit,  il  ne  s'est  pas  aussi  fait  par  nature:  mais  Dieu  a  monstre  comme  au  doigt  qu'Esau  estoit  premier  nay,  et  ne  laissoit  pas  neantmoins  d'estre  reboute,  et  Iacob  qui  estoit  inferieur  en  sa  naissance,  seroit  prefere  avec  le  temps.  Voila  donc  ce  que  nous  avons  a  retenir  sur  ce  passage:  C'est,  que  Dieu  a  voulu  aprouver  ce  qu'il  avoit  prononce:  comme  nous  vismes  hier,  Que  le  plus  grand  serviroit  au  moindre:  et  a  desia  monstre  cela  en  la  naissance  des  deux  enfans.  Or  de  cest  exemple  nous  avons  a  recueillir  en  general,  que  ceux  que  Dieu  a  eleus,  il  les  a  prevenus:  et  par  ce  moien  ratifie  son  conseil  et  son  decret,  quand  son  execution  apparoist.  Ainsi,  combien  que  nous  ne