54:60  et  que  nous  pourrions  sonder  les  secrets  de  Dieu  les  plus  profonds,  la  fin  quelle  sera-elle?  N'est-ce  point  de  cognoistre  que  nous  sommes  ses  enfans  et  heritiers?  Or  cela  nous  est  assez  cognu  et  manifeste  en  Iesus  Christ.  Car  il  est  dit  que  tous  ceux  qui  croiront  en  luy,  iouiront  de  ce  privilege,  d'estre  faits  enfans  de  Dieu.  Il  ne  faut  point  donc  decliner  tant  peu  que  ce  soit  de  Iesus  Christ,  si  nous  voulons  estre  bien  certifiez  de  nostre  election.  Or  il  est  vray  que  desia  sainct  Paul  nous  avoit  monstre  comme  nous  n'avions  iamais  este  aimez  de  Dieu,  ni  eleus,  qu'en  la  personne  de  son  Fils  unique:  mais  il  en  fait  maintenant  une  expression  plus  ample,  quand  il  dit  que  Iesus  Christ  nous  estant  apparu  nous  a  revele  la  vie,  qui  autrement  nous  seroit  incognue,  il  nous  a  presente  la  grace  de  Dieu,  de  laquelle  autrement  nous  estions  eslongnez,  qu'il  nous  a  tellement  apprivoisez  a  Dieu,  que  nous  scavons  quel  est  son  conseil  eternel,  voire  sans  nous  enquerir  outre  mesure  de  ce  qui  ne  nous  est  point  licite.  Car  quand  Dieu  nous  enseigue  de  sa  propre  bouche,  il  ne  faut  point  que  nous  presumions  d'aller  trop  avant,  comme  ceux  qui  ne  cheminent  point  en  obeissance:  c'est  une  presomption  si  les  hommes  attentent  de  plus  scavoir  que  Dieu  ne  leur  permet.  Mais  quand  nous  cheminerons  en  toute  sobriete  et  reverence  sous  l'obeissance  de  nostre  Dieu,  escoutans  et  recevans  ce  qu'il  prononce  en  l'Escriture  saincte,  (comme  i'ay  desia  dit)  le  chemin  nous  sera  tout  dresse.  Voici  donc  sainct  Paul  qui  nous  dit  maintenant  que  le  Fils  de  Dieu  estant  apparu  au  monde,  nous  a  ouvert  les  yeux,  que  nous  cognoissons  que  la  grace  nous  a  este  faite  devant  la  creation  du  monde,  d'estre  receus  pour  enfans  de  Dieu,  et  luy  estre  agreables,  d'estre  reputez  iustes,  tellement  qu'il  ne  nous  faut  point  douter  que  l'heritage  ne  nous  soit  appreste  au  royaume  celeste,  non  point  que  nous  ayons  cela  par  nos  merites,  mais  d'autant  que  Iesus  Christ  en  a  le  droict,  et  qu'il  nous  l'a  communique.  Or  quand  il  est  ici  parle  de  l'apparition  de  Iesus  Christ,  il  nous  faut  rapporter  cela  a  l'Evangile,  pource  que  sainct  Paul  conclud  finalement,  qu'il  a  mis  la  vie  et  l'immortalite  en  lumiere  par  l'Evangile.  Car  comment  est-ce  que  Iesus  Christ  nous  est  apparu?  Comme  il  apparoist  tout  les  iours.  Mais  cependant  si  est-ce  que  sainct  Paul  n'a  pas  voulu  obscurcir  les  choses  que  l'Escriture  nous  met  au  devant  pour  nous  certifier  que  nous  avons  salut  en  Iesus  Christ.  Il  n'est  pas  dit  seulement  en  un  mot,  que  Iesus  Christ  est  nostre  Sauveur,  qu'il  a  este  envoye  comme  lieutenant  de  Dieu  son  Pere.  Quoy  donc?  Il  est  dit,  qu'il  nous  est  envoye  comme  Moyenneur,  lequel  nous  a  reconciliez  par  le  sacrifice  de  sa  mort:  il  nons  est  envoye  comme  l'agneau  sans  macule  pour  nous  purger,  et  pour  faire  satisfaction  de  toutes  nos  dettes:  il