52:60  acciderit,  fideles  tamen,  qui  stantem  a  parte  sua  Dominum  habent,  habere  satis  amplam  gaudendi  materiam.  Repetitio  amplificationi  servit:  ac  si  diceret,  Sit  hoc  vobis  firmum  et  stabile,  gaudere  in  Domino:  neque  id  ad  momentum,  sed  ut  gaudium  in  eo  vestrum  perpetuetur.  Nam  certe  in  eo  differt  a  gaudio  mundi,  quod  fallax,  caducum,  evanidum  esse  experimur:  Christus  autem  etiam  maledictum  esse  pronuntiat  (Luc.  6,  25).  Ergo  illud  demum  in  Deo  fixum  gaudium  est,  quod  nunquam  nobis  excutitur.  5.  Moderatio  vestra.  Dupliciter  potest  exponi.  Vel  quod  iubeat  eos  potius  cedere  de  iure  suo,  quam  et  de  ipsorum  acerbitate  vel  rigore  quisquam  queri  possit  :  ac  si  dixisset  :  Omnes,  quibus  vobiscum  est  aliquid  negotii,  vestram  aequitatem  et  humanitatem  sentiant:  ut  notitia  experimentum  significet:  vel  quod  eos  ad  omnia  aequo  animo  ferenda  hortetur.  Qui  sensus  posterior  mihi  magis  placet.  Nam  TO  emetxec  vocant  etiam  Graeci  animi  moderationem,  ubi  non  facile  commovemur  iniuriis,  ubi  non  facile  rebus  adversis  turbamur,  sed  retinemus  aequalem  statum.  Pro  quo  Cicero  dixit,  Tranquillus  animus  meus,  qui  aequi  boni  facit  omnia.  Talem  aequitatem,  quae  est  quasi  mater  patientiae,  exigit  hic  a  Philippensibus:  et  quidem  quae  omnibus  appareat,  prout  scilicet  usus  postulabit,  effectus  suos  proferendo.  Modestiae  nomen  congruere  non  est  visum:  quia  non  vetat  Paulus  hoc  loco  superbe  insolescere,  sed  placide  se  gerere  in  omni  negotio,  sibique  temperare  etiam  in  tolerandis  vel  iniuriis,  vel  incomodis.  Dominus  prope  est.  Prolepsis,  qua  antevertit  obiectionem.  Reclamat  enim  sensus  carnis  superiori  sententiae.  Nam  quum  nostra  mansuetudine  magis  insolescat  libido  improborum:  et  quo  paratiores  nos  vident  ad  ferendum,  eo  plus  ad  inferendas  iniurias  audeant:  difficulter  adducimur  ut  in  patientia  nostra  possideamus  animas  nostras.  Inde  illa  proverbia,  ululandum  inter  lupos,  devoratum  protinus  iri  a  lupis,  qui  ovium  instar  se  gesserint.  Itaque  concludimus,  retundendam  esse  ferociam  improborum  pari  violentia,  ne  impune  nobis  insultent.  His  cogitationibus  opponit  hic  Paulus  divinae  providentiae  fiduciam.  Respondet,  inquam,  Dominum  prope  esse:  cuius  virtus  eorum  audaciam,  cuius  bonitas  eorum  malitiam  superet.  Illum  nobis  adfuturum  promittit,  si  mandato  suo  pareamus.  Quis  autem  non  malit  sola  Dei  manu  protegi  quam  omnia  mundi  praesidia  ad  manum  habere?  Pulcherrima  sententia:  ex  qua  primum  discimus,  omnis  impatientiae  causam  esse  ignorationem  providentiae  Dei  :  hinc  fieri  ut  tam  cito  et  levi  de  causa  tumultuemur,  et  saepe  etiam  despondeamus  animos,  quod  non  agnoscimus  nos  Domino  curae  esse.  Contra,  hoc  unicum  remedium  esse  ad  pacificandos