51:60  nous  pourrons  recueillir  le  sens  de  l'Apostre.  Et  de  faict,  il  n'y  a  rien  ici  de  superflu  et  chacun  mot  emporte  son  poids:  car  en  disant  qu'il  faut  mettre  peine  a  restablir  celuy  qui  est  cheut,  il  monstre  que  la  douceur  dont  usent  plusieurs  en  fiattant  ceux  qui  ont  failli,  ne  sent  rien  de  Chrestiente.  11  faut  donc  que  les  vices  soyent  redarguez:  il  faut  qu'on  tasche  de  ramener  a  Dieu  celuy  qui  s'est  esgare  du  bon  chemin:  car  si  on  le  supporte  en  son  mal  et  qu'on  le  nourrisse,  on  luy  est  traistre,  d'autant  qu'il  s'endort,  et  par  ce  moyen  il  se  plonge  en  sa  perdition  tant  plus.  Voila  donc  le  moyen  que  sainct  Paul  ordonne,  c'est  que  si  un  homme  a  failli,  on  le  corrige:  mais  cependant  qu'il  y  ait  esprit  de  douceur  ou  mansuetude.  Il  pouvoit  bien.  user  simplement  de  ce  mot  de  Mansuetude  sans  adiouster  esprit:  mais  il  a  conioint  tous  les  deux,  pour  signifier  que  nous  devons  avoir  une  affection  cordiale  pour  procurer  le  salut  de  ceux  qui  ont  besoin  d'estre  advertis  et  exhortez  quand  ils  auront  commis  quelque  faute:  et  cependant  aussi  il  a  voulu  exprimer  que  cela  procede  de  Dieu:  car  comme  il  est  la  fontaine  de  toute  bonte,  aussi  il  eslargit  a  ses  enfans  quelque  douceur,  a  fin  qu'ils  l'ensuyvent  et  qu'ils  se  conforment  a  son  exemple.  Nous  scavons  que  la  facon  de  l'Escriture  saincte  est  telle  d'appeler  esprit  de  verite,  esprit  de  crainte  de  Dieu,  esprit  de  sagesse,  le  don  qui  procede  de  l'Esprit  de  Dieu,  pour  ce  que  la  est  la  perfection  de  tout  bien.  Voila  donc  le  sommaire  de  ce  qui  est  ici  enseigne  par  sainct  Paul  :  c'est  en  premier  lieu  qu'il  ne  faut  pas  que  nous  aimions  seulement  les  vertus  pour  approuver  ceux  qui  cheminent  en  toute  perfection,  et  ausquels  il  n'y  a  que  redire:  mais  outre  cela  que  nous  devons  estre  humains  pour  supporter  les  fautes  de  ceux  qui  ne  sont  pas  encores  si  bien  confermez  en  la  crainte  de  Dieu  qu'il  seroit  requis,  a  fin  que  nous  puissions  ramener  au  bon  chemin  ceux  qui  s'en  sont  destournez  et  desbauchez.  Car  s'il  n'y  avoit  en  nous  ni  bonte  ni  douceur,  incontinent  qu'il  y  auroit  une  faute  commise,  nous  plongerions  l'homme  comme  au  desespoir,  et  cela  se  void  par  trop.  Voila  donc  pourquoy  sainct  Paul  monstre  que  la  mansuetude  ou  humanite  des  enfans  de  Dieu  se  doit  approuver:  que  ceux  qui  sont  tombez  par  foiblesse  soyent  relevez,  voire  en  sorte  qu'ils  cognoissent  qu'on  procure  leur  salut.  Or  i'ay  dit  qu'il  y  a  ici  deux  extremitez,  ou  deux  vices  desquels  il  nous  faut  garder.  L'un  c'est  que  nous  fermons  les  yeux  quand  quelqu'un  de  nos  amis  a  offense  Dieu,  et  a  fait  mesmes  quelque  scandale,  cela  s'escoule,  et  nous  ne  voulons  point  acquerir