50:60  acquiescamus,  nisi  aeternae  vitae  fiduciam.  Observa  hanc  loquutionem,  s  p  e  c  t  a  r  e  quae  non  videntur:  nam  oculus  fidei  longius  penetrat  quam  omnes  humanae  naturae  sensus:  et  fides  etiam  ideo  vocatur  rerum  invisibilium  adspectus.  CAPUT  v  1.  Scimus  enim  quod  si  terrenum  nostrum  domicilium  tabernaculi  destruatur,  aedificationem  ex  Dea  habemus,  domum  non  manufactam,  aeternam  in  coelis.  2.  Etenim  in  hoc  gemimus,  domicilium  nostrum^  quod  est  e  coelo,  superinduere  desiderantes:  3.  siquidem  etiam  vestiti,  non  nudi  reperiamur.  4.  Etenim  dum  sumus  in  tabernaculo,  gemimus  gravati:  eo  quod  non  exui  volumus,  sed  superindui,  ut  destruatur  quod  mortale  est  a  vita.  5.  Qui  autem  aptavit  nos  ad  hoc  ipsum,  Deus  est:  qui  etiam  dedit  nobis  arrhabonem  spiritus.  6.  Confidimus  ergo  semper,  et  scimus  quod  habitantes  in  corpore  peregrinamur  a  Domino.  7.  Per  fidem  enim  ambulamus,  et  non  per  adspectum.  8.  Confidimus,  inquam^  et  libentius  optamus  peregrinari  a  corpore  et  habitare  apud  Dominum.  1.  Scimus  enim.  Sequitur  eTC^spfaaca,  vel  expolitio  superioris  sententiae.  Hoc  enim  agit  Paulus,  ut  in  nobis  impatientiam,  crucis  horrorem  ac  taedium,  humilitatis  contemptum,  fastum  denique  et  delitias  corrigat.  Quod  fieri  nequit  quin  animos  per  contemptum  mundi  in  coelum  usque  attollat.  Duobus  autem  argumentis  nititur.  Hinc  miseram  hominum  sortem  in  hac  vita  ostendit:  inde  summam  et  perfectam  beatitudinem,  quae  fideles  post  mortem  in  coelo  manet.  Quid  enim  adeo  retinet  homines  in  perversa  huius  vitae  cupiditate,  nisi  quod  falsa  imaginatione  se  decipiunt:  dum  scilicet  beatos  se  esse  opinantur  hic  vivendo?  Rursus  non  sufficit  intellexisse  huius  vitae  miserias,  nisi  in  mentem  nobis  veniat  futurae  vitae  felicitas  et  gloria.  Hoc  commune  est  bonis  simul  et  malis,  quod  utrique  vivere  appetunt.  Hoc  etiam  utrisque  commune,  quod,  dum  reputant  quot  et  quantis  aerumnis  hic  sint  obnoxii  (nisi  quod  infideles  sola  corporis  incommoda  agnoscunt:  pios  autem  magis  angunt  spirituales  miseriae),  saepe  ingemiscunt,  saepe  deplorant  suam  sortem  et  remedium  optant  suis  malis.  Sed  quia  naturaliter  horrent  omnes  mortem,  infideles  nunquam  libenter  migrant  ex  vita,  nisi  eam  fastidio  aut  desperatione  abiiciant.  Fidelibus  autem  voluntaria  est  migratio:  quia  potior  illis  spes  extra  mundum  est  proposita.  Haec  argumenti  summa:  nunc  sigillatim  verba  excutiamus.  Scimus,  inquit.  Haec  sententia  non  est  humani  ingenii,  sed  ex  spiritus  sancti  revelatione  manat:  itaque  propria  est  fidelium.  De  animae  immortalitate  aliquid  opinati