49:60  qualis  sit  haec  iustificatio,  nempe  quod  in  Christo  resideat,  per  fidem  vero  apprehendatur.  Quamquam,  dum  rursus  nomen  Dei  incultas  videtur  iustitiae,  de  qua  agitur,  Deum  facere  autorem,  non  tantum  approbatorem:  ac  si  diceret  ab  eo  solo  manare,  vel  eius  originem  esse  ex  coelo,  in  Christo  autem  nobis  patefieri.  Proinde,  quum  de  ipsa  quaeritur,  hoc  ordine  est  procedendum.  Primum,  .iustificationis  nostrae  causam  non  ad  hominum  iudicium  referri,  sed  ad  Dei  tribunal,  ubi  nulla  iustitia  censetur  nisi  perfecta  absolutaque  legis  obedientia:  quod  facile  patet  ex  promissionibus  et  minis.  Quod  si  nemo  hominum  reperitur  qui  ad  tam  exactam  sanctitatem  conscenderit:  sequitur,  omnes  iustitia  in  se  ipsis  destitui.  Tum  occurrat  Christus  oportet:  qui,  ut  solus  iustus  est,  ita  suam  iustitiam  in  nos  transferendo  iustos  nos  reddit.  Nunc  vides  ut  iustitia  fidei  iustitia  Christi  sit.  Ut  ergo  iustificemur,  causa  efficiens  est  misericordia  Dei:  Christus,  materia:  verbum  cum  fide,  instrumentum.  Quare  fides  iustificare  dicitur:  quia  instrumentum  est  recipiendi  Christi,  in  quo  nobis  communicatur  iustitia.  Postquam  facti  sumus  Christi  participes,  non  ipsi  solum  iusti  sumus,  sed  opera  nostra  iusta  reputantur  coram  Deo:  propterea  scilicet,  quia  quidquid  est  in  illis  imperfectionis,  obliteratur  Christi  sanguine.  Promissiones,  quae  conditionales  erant,  eadem  quoque  gratia  nobis  implentur,  quatenus  opera  nostra,  ceu  perfecta,  remuneratur  Deus,  quia  defectus  gratuita  venia  tegitur.  In  omnes  et  super  omnes.  Ad  auxesim  diversis  loquendi  formis  idem  repetiit  :  quo  magis  exprimeret,  quod  iam  audivimus,  et  solam  hic  fidem  requiri:  neque  distingui  *)  fideles  extraneis  notis  :  adeoque  nihil  referre  gentilesne  sint,  an  Iudaei.  Non  est  sane  distinctio.  23.  Omnes  enim  peccaverunt  et  destituuntur  gloria  Dei,  24.  iustificati  gratis  ipsius  gratia  per  redemptionem,  quae  est  in  Christo  Iesu  :  25.  quem  proposuit  Deus  propitiatorium  per  fidem  in  sanguine  ipsius,  in  demonstrationem  iustitiae  suae,  propter  remissionem  delictorum,  26.  quae  prius  exstiterunt  in  tolerantia  Dei,  ad  demonstrationem  iustitiae  suaey  in  hoc  tempore:  ut  sit  ipse  iustus,  et  iustificans  eum,  qui  est  ex  fide  Iesu.  Non  est  sane  distinctio.  Omnibus  sine  exceptione  necessitatem  quaerendae  in  Christo  iustitiae  iniungit:  ac  si  diceret,  nullam  esse  aliam  obtinendae  iustitiae  viam,  neque  hoc  modo  alios,  illo  alios  iustificari:  sed  omnes  simul  per  fidem,  quia  sunt  omnes  peccatores,  ideoque  non  habent  unde  apud  Deum  glorientur.  Pro2)  confesso  autem  sumit,  ubi  ventum  est  ad  *)  inter  2)  Siquidem  omnes  peccatores  manet  coram  Dei  tribunali  confusio  et  ignominia,  ut  conscientia  peccato  suo  confusa  Dei  conspectum  ferre  nequeat.