41:60  sinceram  intelligentiam.  Eram  ergo,  inquit,  attentus  in  visionibus  noctis:  et  ecce  quasi  filius  hominis.  Dixi  non  posse  aliter  sumi  hunc  locum,  quam  de  Christo.  Iam  videndum  est  cur  vocet  quasi  filium  hominis:  hoc  est,  cur  utatur  similitudinis  nota  D.  Posset  enim  hoc  torqueri  ad  delirium  Manichaeorum,  qui  putarunt  corpus  Christi  imaginarium  fuisse.  Nam  sicuti  arripiunt  Pauli  verba  (Phil.  2,  7)  in  perversum  sensum,  Quod  similitudine  fuerit  Christus  quasi  homo:  sic  etiam  possent  abuti  testimonio  prophetae,  quod  Christus  non  dicatur  homo,  sed  similis  homini.  Quantum  attinet  ad  Pauli  verba,  non  loquitur  de  essentia  naturae  humanae,  sed  tantum  de  statu.  Dicit  enim  Christum  factum  fuisse  hominem,  ut  eius  conditio  esset  humilis  et  abiecta,  adeoque  servilis.  Quod  attinet  ad  praesentem  locum,  alia  est  ratio.  Propheta  enim  dicit  sibi  apparuisse  tanquam  filium  hominis,  quia  nondum  Christus  induerat  carnem  nostram.  Et  notandum  est  iliud  Pauli  (Gal.  4,  4),  Quum  venit  plenitudo  temporis  misit  Deus  filium  suum  factum  ex  muliere.  Tunc  igitur  Christus  coepit  esse  homo  quum  apparuit  in  terra  mediator:  quia  non  ante  assumpserat  semen  Abrahae,  ut  esset  nobis  coniunctus  iure  fraterno.  Haec  ratio  est,  cur  propheta  non  pronuntiet  Chrietum  tunc  fuisse  hominem,  sed  quasi  hominem.  Nam  alioqui  non  esset  Christus  qualis  promissus  olim  fuit  sub  lege,  nempe  Abrahae  et  Davidis  filius.  Si  enim  ab  initio  indutus  fuisset  humana  carne,  non  fuisset  progenitus  ex  genere  illo.  Sequitur  ergo,  Christum  non  fuisse  hominem  ab  initio,  sed  tantum  figurative  apparuisse  :  quemadmodum  etiam  Irenaeus  dicit  hoc  fuisse  praeludium:  utitur  verbo  illo.  Tertulianus  etiam  dicit,  Tunc  praelusit  filius  Dei  humanitati  suae.  Fuit  igitur  hoc  symbolum  futurae  carnis  Christi,  quamvis  nondum  esset  caro  illa.  Nunc  videmus  quam  apte  conveniat  haec  figura  rei  signatae,  ubi  scilicet  Christus  fuit  exhibitus  quasi  filius  hominis,  quanquam  tunc  erat  aeternus  Dei  sermo.  Postea  sequitur,  venisse  usque  ad  Antiquum  dierum.  Hoc  meo  iudicio  exponi  debet  de  Christi  adscensu.  Nam  tunc  regnum  suum  auspicatus  est,  sicuti  innumeris  scripturae  locis  videmus.  Neque  pugnat  quod  paulo  ante  dixit  propheta,  sibi  visum  fuisse  filium  hominis  in  nubibus.  Nam  ea  voce  simpliciter  docere  voluit,  Christum,  quamvis  esset  homini  similis,  tamen  differre  a  toto  genere  humano,  neque  esse  ex  vulgari  ordine,  sed  dignitatem  eius  excellere  supra  totum  mundum.  Plus  autem  exprimitur  secundo  membro,  ubi  dicitur  venisse  usque  ad  Antiquum  dierum.  Nam  quamvis  latuerit  divina  maiestas  in  Christo,  ubi  functus  est  officio  servi:  et  se  ipsum  exinanierit,  quemadmodum  dicit  Paulus:  tamen  sicuti  etiam  legimus  primo  cap.  Ioannis  (v.  14),  Apparuit  in  eo  gloria  quasi  unigeniti  filii  Dei:  hoc  est,  quae  competeret  in  filium  Dei  uni-