35:60  guette  nos  pas,  cognoissons  qu'il  ne  le  fait  point  sans  cause.  Or  venons  maintenat  a  l'argument  dont  use  Eliu  pour  reprendre  Iob:  Tu  ne  seras  point  absous  en  cela,  dit-il.  Pourquoy?  Car  Dieu  est  plus  grand  que  toy.  Il  semble  que  ceste  raison  ici  soit  bien  froide  pour  convaincre  Iob,  et  pour  decider  la  cause  presente.  En  premier  lieu  qui  est-ce  qui  ne  sait  que  Dieu  est  plus  grand  que  les  hommes?  Et  qui  est  celuy  si  enrage  qui  ne  confesse  sa  grandeur,  et  qui  ne  la  cognoisse  en  luy?  Nous  verrons  des  gens  phantastiques  qui  despiteront  Dieu:  mais  tant  y  a  qu'ils  ne  laissent  point  toutes  fois  d'estre  convaincus  que  Dieu  est  plus  grand.  Eliu  donc  ne  dit  rien  de  nouveau:  et  encores  que  ce  propos  ne  fust  point  si  vulgaire:  toutes  fois  qu'est  cela?  Dieu  est  plus  grand  que  nous,  il  s'ensuit  donc  que  nous  ne  gaignerons  rien  a  maintenir  nostre  cause.  Il  semble  plustost  qu'Eliu  reviene  a  ce  que  Iob  avoit  dit,  c'est  assavoir,  O  Dieu  exerce  une  telle  rigueur  contre  moy,  mais  c'est  pource  qu'il  le  peut  faire:  il  est  grand,  et  ie  ne  puis  venir  a  bout  de  luy:  il  est  mon  Createur,  et  ie  ne  suis  qu'un  povre  pot  de  terre,  il  n'y  a  qu'infirmite  en  moy.  Il  semble  donc  plustost  qu'ici  Iob  vueille  attribuer  une  puissance  absolue  a  Dieu  pour  diro,  O  Dieu  usera  de  son  droit  contre  les  hommes  sans  avoir  ne  raison  ni  equite.  Or  notons  qu'il  nous  faut  prendre  ceste  sentence  autrement  que  les  mots  ne  chantent:  car  quand  il  est  parle  de  la  grandeur  de  Dieu,  c'est  en  conioignant  tout  ce  qui  est  en  lui.  Et  defait,  il  ne  nous  faut  point  separer  les  vertus  qui  sont  en  Dieu,  pource  qu'elles  sont  son  essence  propre.  Les  hommes  auront  bien  quelques  vertus  en  eux,  lesquelles  leur  pourront  estre  ostees:  mais  ce  n'est  pas  ainsi  de  Dieu.  Quand  nous  parlons  de  sa  puissance,  ou  iustice,  ou  sagesse,  ou  bonte,  nous  parlons  de  lui-mesme:  ce  sont  choses  inseparables,  et  qui  ne  se  peuvent  point  discerner  de  son  essence,  c'est  a  dire  pour  en  estre  ostees.  Car  elles  sont  tellement  coniointes,  que  l'une  ne  peut  estre  sans  l'autre.  Dieu-est-il  puissant?  Aussi  il  est  bon.  Sa  puissance  ne  desrogue  point  a  sa  bonte,  ni  a  sa  iustice.  Quand  donc  Eliu  dit  ici,  que  Dieu  est  plus  grand  que  l'homme,  il  n'entend  pas  qu'il  soit  grand  seulement  pour  pouvoir:  mais  il  entend  qu'avec  ceste  grandeur  et  vertu  il  a  aussi  une  iustice  infinie,  une  sagesse  infinie,  que  tout  est  infini  en  lui.  Et  qui  sommes-nous  en  comparaison?  Voila  donc  le  sens  naturel  de  ce  passage.  Maintenant  nous  voyons  que  l'argument  est  bon  pour  imposer  silence  a  tous  hommes,  et  les  faire  renger  en  humilite,  afin  qu'ils  ne  contestent  plus  contre  Dieu.  Et  pourquoy?  Oar  qui  est  cause  que  nous  murmurons  en  nos  afflictions?  que  nous  ne  pouvons  souffrir  que  Dieu  nous  traitte  a  sa