33:60  le  monstre  en  l'Epistre  aux  Hebrieux  (1,  14),  et  comme  aussi  il  fut  declare  en  ceste  eschelle  de  Iacob,  ou  il  est  dit,  que  les  Anges  descendoyent  du  ciel  en  terre,  et  Iesus  Christ  prononce  que  cela  est  accompli  en  son  royaume,  Vous  verrez  (dit-il)  les  Anges  descendre  du  ciel  aux  hommes.  (Iean  1,  51.)  Ainsi  donc  quand  nous  voyons  que  Dieu  a  constitue  ses  Anges  pour  servir  a  nostre  salut:  d'autant  sommes  nous  plus  obligez  a  sa  misericorde.  Et  aussi  il  nous  a  fait  cest  honneur,  que  son  Fils  n'a  point  prins  la  nature  des  Anges  pour  nous  estre  redempteur,  comme  aussi  l'Apostre  le  dit  :  (Heb.  2,16)  mais  il  s'est  vestu  de  nostre  corps,  et  de  nostre  substance.  Quand  nous  voyons  que  le  Fils  de  Dieu  s'est  ainsi  approche  de  nous,  qu'il  a  voulu  avoir  une  nature  commune  avec  les  hommes,  cognoissons  que  c'est  de  la  que  procede  ceste  autre  grace,  que  les  Anges  s'employent  pour  nous,  et  veillent,  et  c'est  aussi  leur  propre  charge  et  vocation  que  de  procurer  nostre  salut.  Suyvant  cela  ici  le  sainct  Esprit  les  discerne  d'avec  Satan,  et  monstre  qu'ils  sont  serviteurs  de  Dieu  volontaires.  Pourquoy?  comme  ses  enfans.  Quand  un  enfant  obeit  a  son  pere,  ii  ne  le  fait  point  maugre  soy,  mais  d'autant  qu'il  y  est  enclin,  que  nature  l'enseigne  a  ce  faire,  qu'il  y  a  un  amour  qui  l'induit  a  s'acquitter  de  son  office,  c'est  donc  ainsi  qu'en  font  les  Anges.  *  Satan  est  d'autre  coste  adversaire,  car  combien  qu'il  comparoisse  devant  Dieu,  et  qu'il  faille  qu'il  rende  conte,  neantmoins  ce  n'est  pas  qu'il  plie  de  son  bon  gre,  ce  n'est  pas  qu'il  demande  d'estre  subiet  a  Dieu:  ains  il  s'esleve  a  l'encontre,  il  est  enflamme  d'une  rage  si  enorme  qu'il  voudroit  avoir  ruine  la  puissance  de  Dieu,  s'il  luy  estoit  possible.  Ainsi  donc  il  retient  son  naturel  corrompu,  c'est  d'estre  tousiours  ennemi:  mais  si  est-il  force  par  contrainte  de  venir  faire  hommage  a  celuy  qui  a  tout  empire  souverain  sur  ses  creatures.  Or  Satan  est  aussi  subiet  a  Dieu,  d'autant  qu'il  ne  faut  point  imaginer  que  Satan  ait  aucune  principaute  que  celle  qui  luy  est  donnee  de  Dieu.  Et  c'est  bien  raison  que  tout  luy  soit  subiet,  puis  que  tout  procede  de  luy.  Les  diables  ont  este  creez  de  Dien  aussi  bien  que  les  Anges,  mais  non  pas  tels  qu'ils  sont.  Il  nous  faut  tousiours  reserver  cela,  que  la  malice  qui  est  aux  diables  procede  d'eux,  quand  ils  ont  este  apostats  pour  s'eslongner  de  la  fontaine  de  iustice,  qu'ils  ont  quitte  Dieu,  et  se  sont  destournez  de  luy.  Voila  comme  ils  ont  este  pervertis,  et  n'y  a  eu  que  mal  en  eux:  comme  quand  le  peche  est  en  la  nature  des  hommes,  ce  n'est  pas  que  Dieu  l'y  ait  mis  de  creation,  mais  c'est  pource  que  Satan  a  espandu  sa  malice  plus  loin,  quand  l'homme  a  este  seduit  par  son  astuce  pour  subvertir  le  bien  de  Dieu.  Voila  donc  les  diables  qui  ont  este  maudits  d'eux