31:60  cepto  desistere  cogerent,  probaverat  Deus  se  Davidis  esse  custodem.  Quia  autem  illis  propositum  erat,  probrose  deiicere  quem  in  solium  regium  extulerat  Deus:  quaerit  quousque  suam  gloriam  pergent  in  dedecus  trahere.  Notandum  autem  est  quod  apud  summos  et  infimos  omni  genere  ignominiae  gravatus  gloriae  tamen  sibi  divinitus  concessae  possessionem  animose  retinet:  dubitat  quin  eam  tandem  asserat  Deus  quibuscunque  maculis  indigne  aspersa  fuerit.  (Diligetis  vanitatem.)  His  verbis  partim  exprobrat  hostibus  perversam  libidinem  qua  videbat  ipsos  impelli,  quamvis  pium  zelum  falso  praetexerent:  partim  eorum  stultitiam  deridet,  quos  contra  Deum  pugnando,  successum  tamen  sibi  promittant.  Et  valde  emphatica  est  obiurgatio:  nam  impii  quantumvis  crassa  malitia  in  omne  scelus  ruant,  se  tamen  fallacibus  blanditiis  deludunt  ne  quis  eos  sensus  mordeat.  Exclamat  ergo  David,  quamvis  sponte  caecutiant  et  fucato  colore  ornent  suam  iniustitiam  nihil  eos  proficere.  Et  certe  quamvis  sibi  blandiantur  impii,  ubi  ad  serium  examen  tracti  fuerint,  semper  hoc  constabit,  ideo  ipsos  hallucinari,  quia  ab  initio  propositum  est  fallaciter  agere.  Caeterum  ex  hoc  loco  nobis  sumendus  est  invictae  constantiae  clypeus,  quoties  prudentia  et  astu  superari  nos  videbimus  ab  improbis.  Nam  quibuscunque  machinis  nos  impetant,  si  modo  erimus  nobis  bene  conscii,  stabit  Deus  a  parte  nostra,  adversus  quem  non  praevalebunt.  Polleant  ingenio  licet,  suppetat  illis  facultas  nos  laedendi,  in  promptu  sint  rationes  et  subsidia,  acute  omnia  dispiciant:  quidquid  tamen  excudent,  mendacium  erit  ac  vanitas.  4.  (Scitote  quod  selegit.)  Confirmatio  est  superioris  sententiae,  hanc  enim  sibi  fiduciae  causam  esse  ostendit,  quia  Deo  regni  sui  autore  nititur.  Et  certe  tunc  demum  licebit  secure  contra  hostes  nostros  gloriari,  si  nobis  certa  erit  Dei  vocatio.  Itaque  David  minime  hic  suas  vires  iactat,  vel  opes,  vel  exercitus,  quibus  sibi  regnum  acquisierit:  sed  quia  divinitus  electus  est,  eos  sine  profectu  multa  conari  significat,  quia  sensuri  sint  Deum  sibi  adversum,  cuius  potentiae  succumbens  Ac  primo  quidem  dicit  se  a  Deo  fuisse  segregatum:  quo  significat  non  hominum  arbitrio,  vel  propria  libidine,  sed  coelos  ti  decreto  esse  eximium.  Nam  quum  n*"}3  Hebraeis  dividere  significet,  hoc  loco  ad  excellentiam  refertur:  ac  si  diceret:  vos1  nullum  regem  admittitis,  nisi  vestris  suffragiis  electum,  vel  qui  vobis  adlubescit  :  atqui  hoc  proprium  Dei  munus  est,  quemcunque  voluerit  assumere.  Per  nomen  Benigni,  non  dubito  quin  ius  regium  sibi  ex  re  ipsa  vel  effectu  asserat,  ac  si  notam  vel  insigne  suae  vocationis  proferret.  Vere  enim  dictum  fuit  vetere  proverbio:  Propriam  dotem  regum  esse  clementiam.  Deus  autem  quos  honore  dignatur,  ne  sint  mortua  idola,