27:60  fondee  en  la  verite  de  Dieu,  que  nous  sachions  que  c'est  une  doctrine  infallible  que  nous  tenons:  et  cependant  que  nous  ne  cognoissions  point  Dieu  pour  le  mespriser:  mais  que  ceste  cognoissance-la  apporte  avec  soy  une  humilite,  que  nous  soyons  du  tout  abbattus  pour  adorer  celuy  qui  est  si  haut,  et  incomprehensible,  celuy  devant  lequel  les  Anges  tremblent.  Voila  donc  ce  que  nous  avons  a  noter:  que  iamais  les  hommes  ne  cognoistront  Dieu,  iusques  a  ce  qu'ils  ayent  apprehende  ceste  gloire  infinie  qui  est  en  luy,  pour  s'abbaisser,  voire  pour  estre  aneantis  du  tout,  afin  qu'ils  se  dedient,  et  s'addonnent  a  l'honorer,  et  a  le  servir.  Or  ceci  est  tresmal  prattique:  car  ceux  qui  se  vantent  d'avoir  profite  en  l'Evangile,  sauront  bien  habiller,  et  leur  semble  qu'ils  sont  les  plus  habiles,  quand  ils  pourront  caquetter  a  plaisir:  et  cependant  sans  nulle  reverence.  Comme  on  voit  que  l'Escriture  ^saincte  est  auiourd'huy  tant  villainement  profanee  *par  beaucoup  de  gens  qui  en  tiendront  leurs  propos:  mais  ce  sera  comme  de  fables:  et  les  autres  se  voudront  monstrer  en  subtilite:  les  autres  voltigeront  en  des  questions  curieuses,  et  de  nul  profit.  Voila  donc  comme  la  parolle  de  Dieu  sera  auiourd'huy  demenee  a  Tappettit  des  hommes  sans  aucune  crainte,  ni  humilite,  et  par  faute  d'avoir  entendu  ce  qui  est  ici  remonstre  par  Moyse:  c'est  assavoir  qu'en  approchant  de  Dieu  nous  devons  concevoir  ceste  maieste  espouvantable  qui  est  en  luy,  afin  de  nous  tenir  en  bride  courte,  et  nous  ranger  sous  sa  suiettion,  luy  porter  un  tel  hommage,  que  quand  il  parle,  nous  soyons  la  estonnez  iusques  a  ce  que  nous  ayons  cogneu  ce  qu'il  nous  dit:  et  en  le  cognoissant,  que  nous  soyons  prests  et  appareillez  de  nous  ranger  sans  aucune  contradiction.  Voila  donc  ce  que  nous  avons  a  retenir  de  ce  passage,  quand  Moyse  dit  que  le  Dieu  qui  s'est  declaire  en  sa  Loy,  est  grand  et  terrible.  Or  il  est  certain  que  Dieu  ne  nous  veut  point  dechasser  loin  de  luy,  il  nous  veut  plustost  gagner  par  douceur:  mais  si  faut-il  que  nous  soyons  mattez,  a  cause  de  l'orgueil  qui  est  en  nous,  et  que  nous  prenons  ceste  hardiesse  de  l'offenser,  et  que  nous  ne  sommes  point  accoustumez  a  ce  ioug,  et  qu'il  n'est  rien  plus  difficile  que  de  nous  captiver:  devant  (di-ie)  que  nous  concevions  la  bonte  de  Dieu,  il  faut  que  nous  soyons  domptez  de  ceste  crainte  de  laquelle  parle  ici  Moyse.  Mais  si  est-ce  qu'il  faut  qu'elle  soit  tellement  moderee,  que  nous  ne  fuyons  point  la  bonne  doctrine,  que  nous  ne  soyons  point  esperdus  pour  reietter  incontinent  ce  que  Dieu  nous  dira:  mais  que  ce  soit  un  preparatif  pour  nous  rendre  bons  disciples,  et  pour  attirer  nos  esprits  a  une  telle  docilite,  que  tout  ce  que  nous  avons  de  nature  soit  aneanti,  afin  que  rien  n'empesche  que  nous  ne  recevions  la  doctrine,  sans