26:60  deur,  du  pays,  et  de  la  force  d'Og  roy  de  Basan,  ll  dit:  Nous  avons  prins  soixante  villes,  voire  lien  murees,  et  qui  estoyent  garnies  en  telle  sorte,  qu'il  ne  sembloit  pas  qu'elles  deussent  estre  prinses  aisement.  Moyse  adiouste  ces  circonstances,  afin  de  magnifier  tant  mieux  la  grace  Dieu,  a  ce  que  le  peuple  cognoisse  qu'il  n'a  point  vole  en  Fair:  mais  que  Dieu  luy  a  donne  force.  Et  c'est  un  point  qui  est  encores  bien  a  noter.  Car  s'il  est  question  de  faire  valloir  nos  prouesses,  nous  savons  tant  bien  recueillir  les  choses  qui  y  peuvent  servir.  Comment?  il  y  a  eu  ceci,  il  y  a  eu  cela:  i'en  suis  venu  a  bout:  il  y  avoit  telle  pratique  qui  s'estoit  menee  de  loin,  et  i'y  ay  remedie  en  telle  sorte.  Voila  mon  industrie,  voila  ma  prudence:  il  y  a  eu  tels  complots,  et  i'ay  bien  proveu  a  tout,  tellement  que  tout  cela  a  este  rabbatu,  mes  ennemis  n'ont  rien  gagne  sur  moy.  Bref,  nous  saurons  alleguer  tout  ce  qui  peut  donner  beau  lustre  et  apparence  a  nos  vertus.  Mais  quand  il  est  question  de  glorifier  Dieu,  du  secours  que  nous  avons  receu  de  sa  main:  nous  passons  comme  sur  la  braise  (ainsi  qu'on  dit),  nous  n'appercevons  pas  les  difficultez  ou  nous  estions:  il  nous  semble  que  ce  n'est  rien  du  danger  dont  nous  sommes  eschappez.  Voila  nostre  malice.  Dautant  plus  donc  nous  faut-il  noter  ceste  remonstrance  qui  est  ici  faite,  c'est  assavoir,  qu'en  toutes  les  graces  que  nous  avons  receues  de  Dieu,  que  nous  pensions,  sans  icelles  que  nous  fussions  devenus:  et  nous  aurons  assez  ample  matiere  de  ce  faire,  moyennant  que  nous  ne  soyons  point  aveugles  a  nostre  escient,  comme  nous  avons  accoustume.  Car  le  moindre  danger  ou  nous  sommes  venus,  n'estoit-il  pas  pour  nous  estonner?  Or  quand  nous  aurons  quelque  apprehension,  nous  voila  tant  effrayez  que  rien  plus:  il  est  vray  que  si  nous  en  sommes  sortis,  ce  n'est  plus  rien:  mais  c'est  faute  de  memoire.  Tant  y  a  que  si  nous  voyons  seulement  un  festu,  ou  une  mouche  qui  nous  voie  au  travers  des  yeux:  nous  voila  esblouis.  Et  toutesfois  quelles  sont  les  delivrances  que  Dieu  fait  de  nous?  Il  permettra  que  nous  entrions  comme  au  sepulchre,  que  nous  soyons  la  comme  au  gouffre  de  la  mort:  quand  nous  regarderons  ca  et  la,  nous  ne  trouverons  nul  moyen  pour  eschapper,  Dieu  nous  abysmera  iusques  la.  Et  pourquoy?  afin  de  nous  mieux  faire  sentir  sa  vertu  quand  il  luy  plaira  de  nous  secourir.  Ainsi  donc  nous  avons  matiere  tant  et  plus  de  donner  lustre  a  la  grace  de  Dieu  :  sinon  que  nous  vueillions  fermer  les  yeux  d'une  certaine  malice:  ou  que  nous  vueillions  mettre  sous  le  pied  les  choses  qui  sont  toutes  patentes  et  notoires.  Pratiquons  donc  ceste  doctrine  qui  nous  est  ici  monstree  par  Moyse,  c'est  assavoir,  que  Dieu  nous  donnera  des  victoires  incroyables,  comme  il  nous  les  donne:  et  quand  nous  les  avons,  il  nous  faut  bien  penser:  Or  ca,