23:60  in  eandem  secum  lasciviam  trahit.  TDWTV  bifariam  exponi  potest:  quod  arbor  concupiscibilis  foret  vel  ad  videndum,  vel  ad  prudentiam  conferendam.  Hoc  posterius  quia  tentationi  melius  respondet,  libenter  amplector.  Deditque  etiam  viro  suo  qui  secum  erat.  Ex  his  verbis  coniiciunt  quidam  adfuisse  Adam,  quum  tentata  fuit  uxor,  et  persuasa  a  serpente:  quod  nullo  modo  credibile  est:  fieri  tamen  potest,  ut  mox  supervenerit  :  imo  antequam  fructum  arboris  gustaret  mulier,  retulerit  habitum  cum  serpente  colloquium,  et  iisdem  quibus  decepta  fuerat  fallaciis  irretiverit.  Alii  particulam  rVuV  ad  coniugale  vinculum  referunt  :  quod  recipi  potest.  Quia  autem  simpliciter  refert  Moses,  sumptum  e  manibus  uxoris  fructum  comedisse:  opinio  haec  vulgo  recepta  fuit,  illecebris  illius  captum  fuisse  potius  quam  Satanae  imposturis  persuasum.  In  eum  finem  adducitur  Pauli  sententia,  Adam  non  fuit  deceptus,  sed  mulier  (1.  ad  Tim.  2,  14),  sed  Paulus  illic,  ut  originem  mali  a  muliere  profectam  doceat,  comparative  tantum  loquitur.  Non  ergo  tantum  ut  morem  gereret  uxori,  legem  sibi  positam  transgressus  est:  sed  ab  ea  in  exitialem  ambitionem  pertractus,  eiusdem  defectionis  socius  fuit.  Et  sane  Paulus  alibi  non  per  mulierem,  sed  per  ipsum  Adam  peccatum  venisse  tradit  (Hom.  5,  12).  Deinde  exprobratio,  quae  paulo  post  sequetur,  Ecce  Adam  quasi  unus  ex  nobis^  clare  testatur  ipsum  quoque  stulte  concupisse  plusquam  licebat:  et  plus  fidei  habuisse  diaboli  captionibus  quam  sacrosancto  Del  verbo.  Nunc  quaeritur  quodnam  utriusque  peccatum  fuerit.  Puerile  est  quod  ex  veteribus  nonnulli  tradunt,  intemperantia  gulae  fuisse  illectum.  Nam  quum  tanta  optimorum  fructuum  copia  afflueret,  quales  in  una  specie  lautitiae?  Rectius  Augustinus,  qui  superbiam  dicit  malorum  omnium  initium  fuisse,  et  superbia  perditum  esse  humanum  genus.  Plenior  tamen  definitio  peccati  ex  tentationis  specie  quam  describit  Moses,  sumi  potest.  Primum  enim  abducitur  mulier  a  verbo  Dei,  serpentis  captionibus,  per  infidelitatem.  Quare  initium  ruinae,  qua  labefactatum  est  humanum  genus,  fuit  defectio  ab  imperio  Dei.  Sed  observa,  tunc  a  Deo  homines  descivisse,  quum  relicto  illius  verbo  aures  praebuerunt  Satanae  mendaciis.  Nam  inde  colligimus,  Deum  velle  suspici  et  coli  in  verbo  suo,  ideoque  excuti  omnem  eius  reverentiam,  quum  verbum  contemnitur.  Doctrina  cognitu  valde  utilis,  nam  apud  paucos  suam  dignitatem  obtinet  Dei  verbum,  ut  per  huius  contemptum  impune  ruentes  sibi  tamen  inter  Dei  cultores  praecipuum  gradum  arrogent.  Atqui  ut  non  aliter  se  hominibus  manifestat  Deus  quam  per  verbum:  ita  neque  aliter  eius  maiestas  consistit,  nec  salvus  manet  eius  inter  nos  cultus,  quam  dum  obedimus  eius  verbo.  Proinde  infidelitas  radix  defectionis  fuit:  sicuti  sola  fides