22:60  quelque  secours  pour  subvenir  a  sa  povrete,  il  fault  quil  sorte  hors  de  soy  pour  le  chercher  ailleurs.  Dauitre  part  il  contemple  le  Seigneur  qui  liberalement  et  de  sa  bonne  volunte  se  offre73)  en  Iesus  Christ  et  en  luy  ouvre  tous  les  thresors  celestes,  affin  que  toute  la  foy  de  lhomme  se  arreste  a  regarder  ce  Filz  bien  ayme,  toute  son  actente  depende  dicelluy  et  en  luy  toute  son  esperance  se  repose  et  soit  fichee.  Reste  doncques  que  lhomme  cherche  en  Dieu  et  par  prieres  luy  demande  ce  qnil  a  cogneu  estre  en  luy.  Autrement  de  cognoistre  que  Dieu  est  le  Seigneur  et  distributeur  de  tous  biens,  lequel  nous  convie  a  demander  de  luy  ce  quil  nous  fault,74)  et  ne  le  prier  ne  invoquer,  tellement  ne  proffite  de  rien  que  cela  seroit  comme  si  quelchun  cognoissant  un  thresor  estre  enfouy  en  terre  le  laissoit  la  par  nonchalance,  ne  mettant  peine  a  le  deterre  r.  Que  cest  quil  fault  regarder  en  orajson.  Comme  ainsi  soit  que  orayson  ait  quelque  similitude7o)  dune  communication  entre  Dieu  et  nous,  par  laquelle  nous  exposons  devant  luy  noz  desirs,  ioyes,  souspirs  et  en  somme  toutes  les  cogitations  de  nostre  cueur,  il  fault  diligemment  regarder,  toutes  fois  et  quantes  que  nous  invoquons  le  Seigneur,  que  nous  descendions  au  profond  de  nostre  cueur  et  de  la  nous  lo  requerions,  non  point  du  gosier  ou  de  la  langue.  Car  combien  que  la  langue  proffite  aucunes  fois  en  orayson,  ou  pour  retenir  lesprit  plus  ententif  en  la  cogitation  de  Dieu,  ou  bien  affin  que  ceste  partie  de  nostre  corps,  qui  est  specialement  destinee  a  exalter  la  gloire  de  Dieu,  soit  occupee  semblablement  avec  le  cueur  a  mediter  la  bonte  de  Dieu,  toutesfois  le  Seigneur  a  declare  par  son  prophete  (Iesa.  29,  Math.  15)  quel  proffit  elle  apporte  sans  volunte,  7  6)  quand  il  a  prononce  une  punition  tresgriefve  sur  tous  ceulx  qui  lhonorent  des  lebvres  ayant  le  cueur  esloigne  de  luy.  O  tiltre  si  la  vraye  orayson  ne  doibt  estre  autre  chose  sinon  une  pure  affection  de  nostre  cueur  quand  nous  avons  a  approcher  de  Dieu  par  icelle,  il  fault  que  nous  nous  desmettions  de  toute  pensee  de  nostre  gloire,  de  toute  fantasie  de  nostre  dignite  et  de  toute  fiance  de  nous  mesmes,  ainsi  que  le  prophete  (Daniel  9,  et  Baruch  2)77)  nous  admoneste  de  faire  prieres,  non  pas  en  noz  iustices  73)  exhibentem.  74)  ad  se  poscendum  invitet,  ipsum  vero  nec  adire  nec  poscere.  .  {Au  lieu  de  convie,  on  a  imprime:  come.)  75)  arbitrii  instar.  76)  animo.  77)  la  seconde  citation  om.