21:60  miserablement  a  Rome  dedans  un  hospital,  pour  servir  d'exemple  a  ceux  qui  se  revoltent  de  Iesus  Christ  pour  suivre  un  maistre  qui  recompense  si  mal  ses  serviteurs  et  en  ce  monde  et  en  l'autre.  En  ce  temps-la,  assavoir  l'an  1537,  Calvin  fit  imprimer  deux  Epistres,  lesquelles  il  avoit  escrites  d'Italie,  au  voyage  que  nous  avons  dit  qu'il  y  fit,  a  certains  de  ses  amis  en  France.  L'une  est,  de  fuir  les  idolatries  et  de  garder  la  purete  [6  4]  de  la  Religion  Chrestienne;  l'autre,  du  devoir  de  l'homme  Chrestien  a  tenir  ou  quiter  des  benefices  en  l'Eglise  Papale.  Cependantl)  survindrent  en  la  ville  des  seditions  les  unes  sur  les  autres,  qui  l'affligerent  et  pourmenerent  d'une  facon  qui  n'estoit  point  lasche.2)  Mesmes  on  se  vint  opposer  a  la  pratique  de  l'Evangile,  combien  qu'elle  eust  este  iuree  par  tous  ceux  de  la  ville.  Mais  lors  Calvin,  comme  il  avoit  un  esprit  vrayement  heroique,  s'opposa  fort  et  ferme  aux  seditieux,  avec  ledit  Farel  et  un  autre  bon  personnage  nomme  Couraut,  aussi  Ministre  de  cette  Eglise,  aveugle  des  yeux  corporels,  mais  clairvoyant  des  yeux  de  l'esprit;  lequel  aussi  ledit  Calvin  avoit  attire  de  Basle,  la  ou  il  s'estoit  retire  a  cause  des  ardentes  persecutions  de  la  France,  comme  dit  a  este.  L'issue  fut  telle,  que  le  Seigneur  voulant  tout  d'un  coup  retirer  ses  serviteurs  de  la  presse,  purger  ceste  ville  de  certains  mutins  qui  abusoyent  du  nom  de  l'Evangile,  planter  son  Nom  ailleurs,  et  finalement  faconner  son  serviteur  par  une  experience  des  choses  qui  depuis  luy  ont  grandement  servi:  il  fut  ordonne,  la  plus  grande  part  du  Conseil  surmontant  la  meilleure,  que  les  dessusdits  sortiroyent  de  la  ville  dans  trois  iours,  pour  n'avoir  voulu  administrer  la  Cene  en  une  cite  ainsi  troublee  et  meslee.  Cela  estant  annonce  audit  Calvin,  sa  response  fut,  que  s'il  eust  servi  aux  hommes  il  seroit  mal  recompense;  mais  qu'il  avoit  servi  a  celui,  qui  au  lieu  de  mal  recompenser  ses  serviteurs,  payoit  ce  qu'il  ne  devoit  point.  Et  c'estoit  a  bon  droit  qu'il  parloit  ainsi;  car  il  avoit  ensuivi  l'exemple  de  S.  Paul,  en  servant  a  l'Eglise  a  ses  propres  cousts  et  despens.  Il3)  se  retira  donc  au  grand  regret  de  tous  les  bons,  et  vint  premierement  a  Basle:  puis  il  fut  appelle  a  Strasbourg,  la  ou  estant  recueilli  comme  un  thresor  par  ces  excellens  hommes  M.  Martin  Bucer,  Capito,  Hedio,  et  autres  qui  pour  lors  reluisoyent  comme  perles  precieuses  en  l'Eglise  de  Dieu,  il  y  dressa,  par  le  conge  des  Magnifiques  Seigneurs  et  Gouverneurs  de  Strasbourg,  une  Eglise  Francoise,  y  establissant  mesmes  la  discipline  Ecclesiastique:  ce  que  iamais  toutesfois  les  Allemans  1)  Pour  ce  qui  suit  cotnp.  la  premiere  redaction  p.  22,  2)  d'une  facon  qui  n'estoit  point  lasche  om.  F.  3)  Premiere  redaction  p.  23  suiv.