19:60  3576.  VERMILIUS  LAYATERO.  Pergit  in  sua  relatione  et  pauca  superioribus  addit.  (Excerptum  ex  Appendice  Tomi  Locorum  theol.  ed.  1580,  fol.  589.  1587,  p.  1142.)  Una  cum  literis  D.  Bullingeri  tuas  quoque  accepi.  De  nostris  rebus  fuse  scripsi  nudius  tertius  ad  D.  Bullingerum,l)  quare  ut  nunc  tibi  illa  repetam  non  arbitror  esse  necessarium.  Sed  postquam  literas  ad  eum  dedi  haec  gesta  sunt.  xvij  huius  mensis  ad  vesperam  decretum  factum  est  a  regiis  consiliariis,  ut  a  fidelibus  templa  redderentur  quae  occupaverant,  quod  non  exspectata  regia  facultate  id  ausi  fuerint.2)  Interea  nostris  fit  spes  ut  libertas  ipsis  concedatur  publice  conveniendi,  nec  non  ut  certa  loca  iis  assignentur.  Sed  an  id  futurum  sit  ignoro,  quoniam  incredibilis  est  ecclesiasticorum  potentia.  Hodie  Cardinalis  Lotharingus  et  Dux  Guisianus  ab  aula  discesserunt,3)  et  conventus  praelatorum  qui  Poysiaci  habebatur  solutus  est:  4)  unde  cardinales  et  episcopi  hinc  discedunt.  Sed  antequam  abirent  confessionem  gallicanarum  ecclesiarum  damnarunt.5)  Inceptum  vero  colloquium  prorsus  est  abruptum,  quod  praelati  noluerint  illud  continuari,  nostrum  congressum  et  lucem  fugientes.  Nos  vero,  quando  hic  nihil  agitur,  missionem  petimus,  quam  adhuc  non  impetravimus.  .  .  19.  Octob.  1561.  In  aula  apud  S.  Germanum.  3576.1)  N.  3574.  2)  Vide  ibid.  not.  7.  3)  Languet  26.  Oct.  Ep.  153;  Cardinalis  et  Guisius  ex  aula  discesserunt  nescio  quando  revocandi.  Guisius  discedens  facto  ridiculo  dolorem  suum  testatus  est.  Ad  arcem  in  qua  iam  agit  Rex  Sequana  traiicitur  pontonibus.  Est  autem  ab  utraque  ripa  fluvii  religatus  cento  non  minor  rudentibus  quibus  magnae  naves  in  portibus  alligantur.  Eum  centonem  manibus  apprehendunt  qui  praesunt  traiectui  quo  pontones  facilius  agant  .  .  .  Postquam  Guisius  traiecit  respectans  ad  arcem  prae  indignatione  centonem  bipenni  dissecuit.  4)  Cy.iV.3574,  not.  4.  De  die  non  sibi  constant  scriptores.  Bruslart  p.  59;  Samedy  19.  Oct.  fust  termine  le  colloque  de  MM.  les  Prelasts  et  Evesques  assembles  a  Poissy  etc.  Languet  de  17.  Oct.  p.  149  scribit:  Solutus  est  conventus  nudius  tertius.  5)  Hist.  eccl.  I.  613:  La  dite  assemblee  s'est  resolue  qu'en  cas  que  ledit  de  Beze  et  sa  compagnie  ne  veulent  presentement  confesser  et  souscrire  la  confession  du  s.  sacrement  cy  dessous  escrite,  qui  est  selon  l'institution  de  N.  S.  et  la  doctrine  de  son  Eglise  catholique,  .  .  .  .  de  ne  les  plus  ouir,  en  facon  que  ce  soit  ni  avoir  aucunement  affaire  a  eux  comme  demeurans  obstines  et  separes  de  l'union  et  obeissance  de  ladite  eglise,  et  a  telles  peines  que  S.  M.  avisera  pour  le  bien  et  repos  de  ses  bons  et  fideles  suiets,  leur  sera  defendue  la  demeure  en  son  Royaume,  auquel  depuis  que  la  foy  y  a  este  plantee  n'y  a  eu  qu'un  Dieu,  un  Roy,  une  foy  et  une  loy.