16:60  ecclesiola  fidem  eius  sequuta  precibus  eius  obtinuerit,  quod  optabat,  ac  pastoris  officium  re  ipsa  detulerit?  Perperam  ergo  et  iniuste  motam  de  eius  ministerio  controversiam  iam  fuisse  existimo,  ut  semper  testatus  sum.  Ut  tamen  ingenue  fatear  quod  sentio,  pars  nonnulla  culpae  ab  ipso  Valerando  videtur  profecta,  qui  sponte  se  electioni  subiecit,7)  quum  minime  opus  foret:  ut  solent  interdum,  inter  contentionum  impetus,  multa  leviter  effluere.  Verum  si  minus  prudenter  ministerium  suum  labefactare  visus  est,  non  tamen  haec  facilitas  eorum  ingratitudinem  excusat,  quibus  debuit  maiori  esse  in  pretio,  quum  tam  uberem  eius  fructum  perciperent.  Fecit  deinde  haec  alienatio,  ut  non  modo  fastidio  esset  Valerandi  doctrina,  sed  omnes  eius  actiones  in  sinistram  partem  traherentur:  forte  etiam  Tolerandus  tum  infestis  eorum  odiis  se  vexari  cernens,  tum  etiam  metuens  a  pravis  et  obliquis  studiis,  idoneis  praesidiis  se  munire  voluerit,  illi  contra  ad  eum  in  ordinem  cogendum  toto  animo  intenti  essent.  Hinc  seniorum  electio  primum  contentionem,  pugnas  deinde  atroces  peperit.s)  Dum  utrinque  in  hoc  cursu  pergunt,  fieri  potest,  ut  quaedam  exciderint  Valerando,  quae  non  sine  probabili  colore  isti  in  crimen  torquent.  Fatetur  ipse  alicubi,  9)  se  incogitantia  lapsum  esse,  durius  eum  urget  adversa  pars,  et  certe  quod  prior  electio,  quamvis  nondum  plane  sancita  esset,  ID  nihilum  redacta  fuit,  reprehensione  non  caret.  Alia  praetereo,  in  quibus  nollem  vel  malae  fidei  vel  ambitionis  Valerandum  nostrum  damnare,  sicut  isti  flagitant.  Optarem  certe  prudentius  egisse,  ne  calumniis  foret  obnoxius.  Sed  difficile  est  semper  inter  certamina  tenere  modum.  Interea  video  Augustinum  et  reliquos  exarsisse,  quod  spe  sua  votisque  frustrati  Valerandum  superiorem  videbant.10)  Equidem  in  amico  meo  D.  Secelio  mihi  hoc  non  probatur,  quod  senioris  munere  ante  tempus  se  abdicaverit.11)  Quam  iustas  habuerit  causas  non  disputo:  quia  suum  consilium  hac  in  re  nunquam  mihi  aperuit,  et  hac  de  re  nihil  mihi  innotuit,  nisi  ex  Valerandi  relatu.  Forma  tamen  agendi  mihi  displicet,  quia  intempestiva  fuit,  et  ecclesiae  parum  utilis.  ITt  mihi  comperta  est  hominis  integritas  et  candor,  pio  affectu  impulsum  fuisse  non  dubito.  Verum,  si  quid  peccavit,  damnare  malo,  quam  amicitiae  praetextu  tueri.  7)  Hoc  nuperrime  factum  fuisse  videtur,  quum  antea  eius  rei  mentio  nulla  occurrerit.  8)  Quamquam  de  his  iam  saepius  dictum  sit,  si  universum  expositionis  tenorem  respexerit,  haec  quoque  electio  recens  facta  videtur.  Etiam  infra  de  priore  electione  loquitur.  9)  Et  quidem  non  semel  in  prioribus  epistolis.  10)  In  nova  scil.  electione  qua  adversarii  victi  fuerunt  11)  De  Secelio  ita  loquitur  ut  eum  ex  adversariorum  numero  eximere  videatur.